ຊາວໜຸ່ມຫວຽດນາມຄວນຕໍ່ສູ້ກັບໄພປອມແປງແລະພະຍາດຜົນງານ
(ການພົບປະສົນທະນາ ປະກອບຄວາມເຫັນໃສ່ຮ່າງ
ເອກະສານກອງປະຊຸມໃຫຍ່ຄັ້ງທີ 12 ຂອງພັກ)
(vovworld) - ຊາວໜຸ່ມຫວຽດນາມ ຄວນຕໍ່ສູ້ຕ້ານໄພປອມແປງ ແລະ ພະຍາດຜົນງານ. ນັ້ນແມ່ນຄຳຢືນຢັນຂອງທ່ານ ຫງວຽນທ້ຽນເຍິນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ທີ່ການພົບປະສົນທະນາ, ປະກອບຄວາມເຫັນໃສ່ຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກ ດ້ວຍຫົວຂໍ້ວ່າ: “ເສີມຂະຫຍາຍຄຸນຄ່າວັດທະນະທຳຫວຽດນາມ ແລະ ບຳລຸງລ້ຽງນຳ້ໃຈຮັກຊາດ, ຄວາມເອກອ້າງທະນົງໃຈຕໍ່ປະເທດຊາດ, ຄວາມມຸ້ງຫວັງອຸທິດສ່ວນຂອງລຸ້ນໜຸ່ມ, ຕະລຸມບ່ອນນຳໜ້າໃນການກໍ່ສ້າງປະເທດຊາດ“, ເຊິ່ງດຳເນີນຢູ່ຮ່າໂນ້ຍ, ໃນວັນທີ 25/10.
ກ່າວຄວາມເຫັນນະທີ່ນີ້, ທ່ານ ຫງວຽນທ້ຽນເຍິນ ຖືວ່າ: ການທ້າທາຍສຳລັບປະເທດຊາດໃນຊຸມປີຈະມາເຖິງແມ່ນແຮງທີ່ສຸດ. ຍ້ອນເຫດນັ້ນ, ຊາວໜຸ່ມຕ້ອງຍົກສູງຄວາມຈົ່ງຮັກພັກດີ, ຕໍ່ສູ້ຕ້ານຄວາມປອມແປງໃນການພົວພັນ, ລາຍງານ, ການສໍ້ລາດບັງຫຼວງ, ໄພຫຍໍ້ທໍ້, ພະຍາດຜົນງານ, ພິເສດແມ່ນຄວນສຸມໃສ່ຕ້ານໄພປອມແປງ ແລະ ພະຍາດຜົນງານໃນສັງຄົມ.
“ຊາວໜຸ່ມຄວນຕັ້ງຄຳຖາມວ່າ ປະຈຸບັນພວກເຮົາພວມເອກອ້າງທະນົງໃຈຕໍ່ປະເທດຊາດ, ຕໍ່ຄຸນຄ່າ, ຕໍ່ຜົນງານຄືແນວໃດ. ຊາວໜຸ່ມພວມເປັນຫ່ວງເປັນໃຍຕໍ່ປະເທດຊາດຄືແນວໃດ. ຈາກນັ້ນຈະຮູ້ສຶກມີຄວາມເບິກບານມ່ວນຊື່ນ ແລະ ມີຄວາມເປັນຫ່ວງເປັນໃຍຕໍ່ການພັດທະນາຂອງປະເທດຊາດ. ທັງສະເໜີຕໍ່ປະເທດຊາດມອບໜ້າທີ່ກໍ່ສ້າງ ແລະ ປົກປັກຮັກສາປະເທດຊາດໃຫ້ຊາວໜຸ່ມ, ເພື່ອໃຫ້ຊາວໜຸ່ມກາຍເປັນເສົ້າຄຳ້ຂອງປະເທດ“.