(ທ່ານປະທານສະພາແຫ່ງຊາດ ຫງວຽນຊິງຮຸ່ງ
ຢ້ຽມຢາມ ອາເມລິກາ ຢ່າງເປັນທາງການ)
(vovworld) – ວັນທີ 11/9 ເມື່ອຕອບສຳພາດຕໍ່ນັກຂ່າວ ວິທະຍຸກະຈາຍສຽງ ຫວຽດນາມ ກ່ຽວກັບໝາກຜົນການຢ້ຽມຢາມ ອາເມລິກາ ຢ່າງເປັນທາງການ ແລະ ເຂົ້າຮ່ວມກອງປະຊຸມບັນດາປະທານສະພາແຫ່ງຊາດໂລກຄັ້ງທີ 4 ຂອງທ່ານປະທານສະພາແຫ່ງຊາດ ຫວຽດນາມ ຫງວຽນຊິງຮຸ່ງ, ທ່ານ ເຈີ່ນວັນຮັ່ງ ຫົວໜ້າກຳມາທິການການຕ່າງປະເທດຂອງສະພາແຫ່ງຊາດ ຫວຽດນາມ ຢືນຢັນ: ເລື່ອງປະທານສະພາແຫ່ງຊາດ ຫວຽດນາມ ເຂົ້າຮ່ວມກອງປະຊຸມດັ່ງກ່າວຢູ່ ນິວຢອກ ແມ່ນເຫດການມີຄວາມໝາຍສຳຄັນ. ເພາະວ່າ, ທີ່ກອງປະຊຸມຄັ້ງນີ້ ບັນດາປະທານສະພາແຫ່ງຊາດໄດ້ປຶກສາຫາລືບັນດາມາດຕະການ ເພື່ອປະຕິບັດເປົ້າໝາຍພັດທະນາແບບຍືນຍົງໃນທົ່ວໂລກ. ທີ່ກອງປະຊຸມຄັ້ງນີ້ ປະທານສະພາແຫ່ງຊາດບັນດາປະເທດໄດ້ຕີລາຄາສູງໝາກຜົນຂອງກອງປະຊຸມສະຫະພັນລັດຖະສະພາສາກົນຄັ້ງທີ 132 ( IPU -132) ເຊິ່ງ ຫວຽດນາມ ຈັດຕັ້ງຂຶ້ນໄລຍະຕົ້ນປີ ແລະ ຖືວ່າ: ຖະແຫຼງການ ຮ່າໂນ້ຍ, ເອກະສານລວມຂອງ IPU -132 ແມ່ນສານຂອງສະພາແຫ່ງຊາດບັນດາປະເທດສົ່ງເຖິງກອງປະຊຸມສຸດຍອດ ສະຫະປະຊາຊາດໃນທ້າຍເດືອນ 9 ປີນີ້ ເພື່ອພ້ອມກັບ ສະຫະປະຊາຊາດໃນການສ້າງ ແລະ ປະຕິບັດບັນດາເປົ້າໝາຍພັດທະນາແບບຍືນຍົງ, ກະກຽມບັນດາມາດຕະການ ປະຕິບັດໜ້າທີ່, ຄາດໝາຍໃຫ້ໄລຍະພັດທະນາຫລັງປີ 2015.