(vovworld) - ຕອນເຊົ້າວັນທີ 19/02, ຢູ່ຮ່າໂນ້ຍ, ສະພາວິທະຍາສາດບັນດາອົງການພັກສູນກາງ ໄດ້ຜັນຂະຫຍາຍວຽກງານປີ 2014 ແລະ ຈັດຕັ້ງການປະຕິບັດມະຕິສູນກາງຄັ້ງທີ 6 ຊຸດທີ 11 ກ່ຽວກັບວິທະຍາສາດ ແລະ ເຕັກໂນໂລຊີ. ກ່າວຄຳເຫັນຊີ້ນຳກອງປະຊຸມ, ທ່ານ ດິງເທ໋ຮີນ, ຫົວໜ້າຄະນະໂຄສະນາສຶກສາສູນກາງພັກກອມມູນິດ ຫວຽດນາມ ເນັ້ນໜັກວ່າ: ປີ 2014 ແມ່ນປີສຳຄັນຂອງການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ, ບັນດາການເຄື່ອນໄຫວຂອງສະພາ ຕ້ອງສືບຕໍ່ຕິດແທດກັບລາຍການເຮັດວຽກຂອງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາສູນກາງພັກ ແລະ ບັນດາອົງການພັກຂັ້ນສູນກາງ. ເຊິ່ງຈຸດສຸມແມ່ນຮັບໃຊ້ວຽກງານສະຫຼຸບບາງບັນຫາທິດສະດີ ແລະ ຕົວຈິງຜ່ານໄລຍະ 30 ປີແຫ່ງການປ່ຽນໃໝ່, ຍົກສູງຄຸນນະພາບການເຄື່ອນໄຫວຂອງສະພາ, ປະກອບສ່ວນເປັນທີ່ປຶກສາໃຫ້ບັນດາອົງການພັກຂັ້ນສູນກາງ ແລະ ສືບຕໍ່ຜັນຂະຫຍາຍບັນດາມະຕິຂອງພັກ, ລັດຖະທຳທະນູນສະບັບປັບປຸງ, ກະກຽມກອງປະຊຸມໃຫຍ່ຂອງພັກທຸກຂັ້ນ, ກ້າວໄປເຖິງກອງປະຊຸມໃຫຍ່ຄັ້ງທີ 12 ຂອງພັກ. ບົນພື້ນຖານການຄົ້ນຄວ້າວິທະຍາສາດ, ບັນດາຄະນະ, ອົງການຈັດຕັ້ງພັກຂັ້ນສູນກາງ ເປັນເສນາທິການໃຫ້ຄະນະບໍລິຫານງານສູນກາງພັກ, ກົມການເມືອງ, ຄະນະເລຂາສູນກາງສືບຕໍ່ປ່ຽນໃໝ່ຈີນຕະນາການ, ວາງທິດທາງແຜນການ, ສ້າງແຜນນະໂຍບາຍ, ນະໂຍບາຍໃຫ້ເໝາະສົມກັບຄວາມຮຽກຮ້ອງຕ້ອງການພັດທະນາຂອງປະເທດຊາດ.