(ທ່ານ ຫງວຽນທ້ຽນເຍີນ ປະທານຄະນະກຳມະການ
ສູນກາງແນວໂຮມປະເທດຊາດ ຫວຽດນາມ)
(vovworld) – ກອງປະຊຸມກ່ຽວກັບການປະຕິບັດບັ້ນຂົນຂວາຍຊາວ ຫວຽດນາມ ບຸລິມະສິດນຳໃຊ້ສິນຄ້າ ຫວຽດນາມ, ດຳເນີນໃນຕອນເຊົ້າວັນທີ 8/9 ຢູ່ຮ່າໂນ້ຍ. ກ່າວຄຳເຫັນນະທີ່ນີ້, ທ່ານ ຫງວຽນທ້ຽນເຍີນ ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຫົວໜ້າຄະນະຊີ້ນຳສູນກາງບັ້ນຂົນຂວາຍຊາວ ຫວຽດນາມ ບຸລິມະສິດນຳໃຊ້ສິນຄ້າ ຫວຽດນາມ ຖືວ່າ: ເພື່ອສືບຕໍ່ປະຕິບັດບັ້ນຂົນຂວາຍໃຫ້ມີປະສິດທິຜົນ ຕ້ອງຍູ້ແຮງວຽກງານຖະແຫຼງຂ່າວ, ສືສານ, ຍົກສູງຄວາມຮັບຮູ້ ແລະ ຄວາມຮັບຜິດຊອບຂອງຜູ້ຜະລິດ ແລະ ນຳໃຊ້ຜະລິດຕະພັນ, ການບໍລິການເຄື່ອງໝາຍການຄ້າ ຫວຽດນາມ, ພິເສດແມ່ນຍົກສູງຄຸນນະພາບແກ່ງແຍ້ງ, ສ້າງຜະລິດຕະພັນໃໝ່. ທ່ານ ຫງວຽນທ້ຽນເຍີນ ໃຫ້ຮູ້ວ່າ:
“ໃນການແກ່ງແຍ້ງ, ຄຽງຂ້າງຜະລິດຕະພັນທີ່ເປັນມູນເຊື້ອ, ການຍົກສູງຄຸນນະພາບ, ສ້າງຜະລິດຕະພັນໃໝ່ແມ່ນສຳຄັນທີ່ສຸດ. ກ່ຽວກັບຄ່າໃຊ້ຈ່າຍ, ລາຄາ, ຍິ່ງເຊື່ອມໂຍງເທົ່າໃດ ກໍ່ຍິ່ງຫລຸດລາຄາລົງເທົ່ານັ້ນ. ພວກຂ້າພະເຈົ້າປາດຖະໜາວ່າບັນດາວິສາຫະກິດ ຍາມໃດກໍຕ້ອງຄິດໄລ່ຊັ່ງຊາຢ່າງລະອຽດ ແລະ ຄະນະພັກກຸ່ມຍາມໃດກໍຕ້ອງສົມທົບກັບກະຊວງອຸດສາຫະກຳ ແລະ ການຄ້າ, ສິນຄ້າໃດທີ່ເຂົາເຈົ້າຂາຍບຸບລາຄາ ຫລື ມີໄພຂາຍບຸບລາຄ່າ ແມ່ນຕ້ອງຈັດຕັ້ງການສຳຫລວດ, ຖ້າບໍ່ເຮັດຄືແນວນັ້ນ, ພວກເຮົາຈະຮັບຜົນເສຍຫາຍ. ຕໍ່ໜ້າຄວາມຮຽກຮ້ອງຍົກສູງສະມັດຕະພາບຂອງວິສາຫະກິດ, ຮັບປະກັນຄວາມສາມາດແກ່ງແຍ້ງ, ຫລຸດລາຄ່າລົງແມ່ນຕ້ອງປະຕິບັດຜ່ານການປ່ຽນໃໝ່ເຕັກໂນໂລຢີ, ຍົກສູງສະມັດຕະພາບ.”
ທ່ານ ຫງວຽນທ້ຽນເຍີນ ສະເໜີບັນດາວິສາຫະກິດຕ້ອງຍູ້ແຮງການປ່ຽນໃໝ່, ນຳໃຊ້ວິທະຍາສາດ - ເຕັກໂນໂລຢີ, ຍົກສູງຄຸນນະພາບ, ກຳລັງແກ່ງແຍ້ງຂອງຜະລິດຕະພັນ, ສິນຄ້າ ແລະ ການບໍລິການ; ປະຕິບັດບັນດາຄຳໝັ້ນສັນຍາປົກປ້ອງສິດຂອງຜູ້ບໍລິໂພກ, ອຸປະໂພກ; ສ້າງເຄື່ອງໝາຍການຄ້າໃຫ້ໄດ້ ແລະ ຈັດຕັ້ງຕາໜ່າງແຈກຢາຍທີ່ກ້ວາງຂວາງໃຫ້ສິນຄ້າ ຫວຽດນາມ.