ການສະຖິຕິແຮງງານ
(ພາບ:vieclamdaklak.net)
(VOV)- ອົງການແຮງງານສາກົນ (ILO) ແລະ ກົມໃຫ່ຍສະຖິຕິຫວຽດນາມ ໄດ້ຈັດພິທີລົງນາມໃນບົດບັນທຶກຊ່ວຍຈຳສະຖິຕິກ່ຽວກັບແຮງງານຢູ່ຫວຽດນາມ ທີ່ຮ່າໂນ້ຍ. ບົດບັນທຶກຊ່ວຍຈຳໄດ້ຖືກປະຕິບັດໃນໄລຍະ 2012-2016 ເພື່ອແນໃສ່ຍົກສູງຄວາມສາມາດໃຫ້ແກ່ຜູ້ສະໜອງ, ຜະລິດ ແລະ ນຳໃຊ້ຕົວເລກສະຖິຕິແຮງງານ ແລະ ວຽກເຮັດງານທຳໝັ້ນຄົງ, ຮັບໃຊ້ໃຫ້ແກ່ວຽກງານກຳນົດນະໂຍບາຍອີງບົນຫຼັກຖານຢູ່ຫວຽດນາມ. ການສ້າງ ແລະ ວິເຄາະບັນດາຄາດໝາຍກ່ຽວກັບວຽກເຮັດງານທຳໝັ້ນຄົງລວມມີການຄົ້ນຄ້ວາເລິກກ່ຽວກັບບັນດາບັນຫາສຳຄັນຂອງຕະຫຼາດແຮງງານ ແລະ ຍົກສູງຄວາມສາມາດໃຫ້ແກ່ພະນັກງານຂອງກົມໃຫ່ຍສະຖິຕິຫວຽດນາມ ຈະແມ່ນບັນດາການໃຫ້ບຸລິມະສິດສຳຄັນໃນການພົວພັນຮ່ວມມືລະຫວ່າງສອງຝ່າຍ. ການໜູນຊ່ວຍຂອງອົງການແຮງງານສາກົນ (ILO) ໃນຂົງເຂດສະຖິຕິແຮງງານນອນໃນຂອບເຂດບັນດາການໜູນຊ່ວຍລວມຂອງອົງການນີ້ຕໍ່ໂຄງການແຫ່ງຊາດກ່ຽວກັບວຽກເຮັດງານທຳໝັ້ນຄົງ ແລະ ແຜນການ ສປຊ ໜຶ່ງດຽວຢູ່ຫວຽດນາມ ໄລຍະ 2012-2016