(vovworld) - ກອງປະຊຸມສຳມະນາວິທະຍາສາດກ່ຽວກັບໝາກຜົນການຄົ້ນຄວ້າໃໝ່ ກ່ຽວກັບຜົນຮ້າຍຢ້ອນຫຼັງຈາກທາດພິດສີສົ້ມ/ດີໂອຊິນ ສຳລັບມະນຸດ ແລະ ສິ່ງແວດລ້ອມຢູ່ຫວຽດນາມ ຖືກຈັດຂຶ້ນໃນວັນທີ 24/11 ຢູ່ຮ່າໂນ້ຍ. ກອງປະຊຸມເພື່ອຕີລາຄາການຄົງຄ້າງ, ການປ່ຽນແປງ, ແຜ່ຂະຫຍາຍ ແລະ ຜົນກະທົບເຖິງສິ່ງແວດລ້ອມ; ຊີວະນາໆພັນ, ການຫັນປ່ຽນກ່ຽວກັບສຸຂະພາບ, ພະຍາດຂອງບັນດາຜູ້ຖືກຕິດທາດພິດສີສົ້ມ/ດີໂອຊິນ ແລະ ສະເໜີບັນດາມາດຕະການປັບປຸງນະໂຍບາຍແກ້ໄຂຜົນຮ້າຍຢ້ອນຫຼັງຈາກທາດພິດດັ່ງກ່າວ. ທີ່ກອງປະຊຸມສຳມະນາ, ບັນດາຜູ້ແທນຖືວ່າ, ເພື່ອໃຫ້ວຽກງານແກ້ໄຂຜົນຮ້າຍຢ້ອນຫຼັງຈາກທາດເຄມີໂດຍອາເມລິກາ ນຳໃຊ້ໃນສົງຄາມຢູ່ຫວຽດນາມ ບັນລຸໄດ້ປະສິດທິຜົນ, ນອກຈາກຄວາມມານະພະຍາຍາມສຸດຂີດຂອງລັດ, ບັນດາຂະແໜງການ, ຂັ້ນຕ່າງໆ ແລະ ການຮ່ວມແຮງຮ່ວມໃຈຂອງປະຊາຄົມນັ້ນ ຕ້ອງການເພີ່ມທະວີຍູ້ແຮງການຮ່ວມມືຢ່າງແໜ້ນແຟ້ນລະຫວ່າງລັດຖະບານ ແລະ ບັນດາອົງການຈັດຕັ້ງສັງຄົມຂອງຫວຽດນາມ ກັບປະຊາຄົມສາກົນ, ຍາດແຍ່ງການສະໜັບສະໜູນຈາກສາກົນ ໃນບັນດາຂົງເຂດຄົ້ນຄວ້າວິທະຍາສາດ, ຊ່ວຍເຫຼືອຜູ້ປະສົບເຄາະຮ້າຍ, ຍົກສູງກຳລັງຄວາມສາມາດເຕັກໂນໂລຊີແກ້ໄຂ, ຟື້ນຟູສິ່ງແວດລ້ອມ.