(vovworld) - ວັນທີ 12/08, ຢູ່ຮ່າໂນ້ຍ, ທ່ານປະທານປະເທດ ເຈີນດ້າຍກວາງ, ຫົວໜ້າຄະນະຊີ້ນຳການປະຕິຮູບຕຸລາການສູນກາງ ໄດ້ມີການເຮັດວຽກກັບການນຳຫຼັກແຫຼ່ງສານປະຊາຊົນສູງສຸດ. ກ່າວຄຳເຫັນທີ່ການເຮັດວຽກ, ທ່ານປະທານປະເທດ ເຈີນດ້າຍກວາງ ໄດ້ຕີລາຄາສູງບັນດາໝາກຜົນ, ຜົນງານເຊິ່ງສານປະຊາຊົນທຸກຂັ້ນບັນລຸໄດ້ໃນໄລຍະຜ່ານມາ. ທ່ານປະທານປະເທດ ເຈີນດ້າຍກວາງ ສະເໜີໃຫ້ສານປະຊາຊົນທຸກຂັ້ນ ຕ້ອງສຸມໃສ່ປ່ຽນໃໝ່ວຽກງານ, ຍົກສູງຈິດໃຈ “ເຄົາລົບກົດໝາຍ”, ຮັບປະກັນການພິພາກສາຢ່າງຊັດເຈັນ, ພາວະວິໄສ, ຸຖືກເປົ້າໝາຍ, ຖືກຕາມກົດໝາຍ.
“ຮັບປະກັນການພິພາກສາຢ່າງເຄັ່ງຄັດ, ບໍ່ໃຫ້ລອດອາດຊະຍາກອນ, ຕ້ອງຕັດສິນລົງໂທດຢ່າງຖືກຕ້ອງ, ເພື່ອຮັບປະກັນໃຫ້ຊັບສົມບັດຂອງລັດ, ສິດ ແລະ ຜົນປະໂຫຍດອັນຊອບທຳຂອງອົງການຈັດຕັ້ງ, ສ່ວນບຸກຄົນຖືກເສຍຫາຍ. ເອົາໃຈໃສ່ເຖິງການເກັບຄືນຊັບສົມບັດຖືກຮົ່ວໄຫຼ ແລະ ຖືກບັນດາເປົ້າໝາຍສໍ້ລາດບັນຫຼວງຢືດເອົາ. ຍົກສູງຄຸນນະພາບການໂຕ້ຄວາມຢູ່ບັນດາວາລະພິພາກສາ, ປະຕິບັດວຽກງານໄກເກ່ຍ, ເຈລະຈາໃນການແກ້ໄຂບັນດາຄະດີແພ່ງ, ບໍລິຫານໃຫ້ເປັນຢ່າງດີ. ເພີ່ມທະວີການຕິດຕາມກວດກາວຽກງານພິພາກສາຂອງສານຂັ້ນເທິງ ສຳລັບສານຂັ້ນລຸ່ມ ເພື່ອຄົ້ນພົບຢ່າງທັນການ, ປັບປຸງ, ຖອດຖອນບົດຮຽນສຳລັບບັນດາຄວາມຜິດພາດດ້ານວິຊາການ… ”