ຍົກສູງຊີວິດການເປັນຢູ່ຂອງຊາວຊົນເຜົ່າສ່ວນໜ້ອຍຢູ່ພາກກາງແລະເຂດໄຕງວຽນ
(ພາບປະກອບ)
(vovworld) – ວັນທີ 1/7 ຢູ່ນະຄອນບວນມາຖວດ, ໄດ້ດຳເນີນກອງປະຊຸມຕີລາຄາ 1 ປີແຫ່ງການຜັນຂະຫຍາຍວຽກງານຊົນເຜົ່າ ແລະ 3 ປີ ແຫ່ງການປະຕິບັດດຳລັດ 05 ຂອງລັດຖະບານ ກ່ຽວກັບວຽກງານຊົນເຜົ່າຢູ່ພາກກາງ ແລະ ເຂດໄຕງວຽນ. ຍາມໃດພັກ ແລະ ລັດກໍ່ກຳນົດວ່າຍຸດທະສາດວຽກງານຊົນເຜົ່າແມ່ນພາກສ່ວນໜຶ່ງທີ່ສຳຄັນໃນຍຸດທະສາດພັດທະນາເສດຖະກິດ - ສັງຄົມຂອງປະເທດຊາດ, ແມ່ນປັດໃຈພື້ນຖານເພື່ອຍົກສູງຄຸນນະພາບການດຳລົງຊີວິດຂອງຊາວຊົນເຜົ່າສ່ວນໜ້ອຍກວ່າ 12 ລ້ານຄົນ ທີ່ພວມດຳລົງຊີວິດຢູ່ພາກກາງ ແລະ ເຂດໄຕງວຽນ ແລະ ຊາວຊົນເຜົ່າສ່ວນໜ້ອຍໃນທົ່ວປະເທດ. ໂດຍໄດ້ຮັບຄວາມເອົາໃຈໃສ່ຈາກລັດ, ໃນ 1 ປີຜ່ານມາ, ຊີວິດ“ຂອງຊາວຊົນເຜົ່າສ່ວນໜ້ອຍຢູ່ເຂດພູດອຍພາກກາງ ແລະ ເຂດໄຕງວຽນ ໄດ້ຮັບການປັບປຸງບາດກ້າວໜຶ່ງ. ບັນດາກະຊວງ, ຂະແໜງການທ້ອງຖີ່ນໄດ້ຕັ້ງໜ້າປະຕິບັດນະໂຍບາຍຊົນເຜົ່າເປັນຢ່າງດີ, ໃນນັ້ນສຸມໃສ່ເຂົ້າໃນການລວບລວມຄ່າໃຊ້ຈ່າຍບັນດາລາຍການ, ໂຄງການເພື່ອຜັນຂະຫຍາຍຢ່າງມີຈຸດສຸມ, ມີປະສິດທິຜົນ. ຍ້ອນເຫດນັ້ນອັດຕາສ່ວນຄອບຄົວທຸກຍາກໃນເຂດພາກກາງ, ໄຕງວຽນໄດ້ຫຼຸດລົງຢ່າງວ່ອງໄວ (3 – 4%/ປີ) ພື້ນຖານໂຄງລ່າງ, ພິເສດແມ່ນທາງຄົມມະນາຄົມຊົນນະບົດ, ຊົນລະປະທານ, ຕາໜ່າງໄຟຟ້າແຫ່ງຊາດ… ຢູ່ເຂດຊົນເຜົ່າສ່ວນໜ້ອຍໄດ້ຮັບການກໍ່ສ້າງດີພໍສົມຄວນ. ບັນດາຜົນງານດັ່ງກ່າວໄດ້ສ້າງການຫັນປ່ຽນທາງດ້ານຄວາມຮູ້, ຄວາມຮັບຜິດຊອບຂອງລະບົບການເມືອງ ແລະ ຄວາມເຫັນດີເຫັນພ້ອມຕໍ່ວຽກງານຊົນເຜົ່າ.