(ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ)
(vovworld) – ໃນແຈ້ງການສະຫຼຸບກອງປະຊຸມໃນການເຮັດວຽກກັບສະພາຊົນເຜົ່າຂອງສະພາແຫ່ງຊາດ ແລະ ຄະນະກຳມະການຊົນເຜົ່າໃນເວລາຜ່ານມາ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢຸງ ໄດ້ຮຽກຮ້ອງໃຫ້ອົງຄະນະພັກ, ອຳນາດການປົກຄອງທຸກຂັ້ນ, ຂະແໜງການທີ່ກ່ຽວຂ້ອງ ສືບຕໍ່ຊາບຊຶມແນວທາງ, ນະໂຍບາຍຂອງພັກ ແລະ ລັດກ່ຽວກັບວຽກງານຊົນເຜົ່າ; ໂດຍສະແດງອອກຜ່ານໂຄງການ, ແຜນການ ແລະ ບັນດານະໂຍບາຍຢ່່າງລະອຽດ. ບັນດາກະຊວງ, ຂະແໜງການ, ທ້ອງຖິ່ນ ຍົກສູງຄວາມຮັບຜິດຊອບ ແລະ ເພີ່ມທະວີການຍົກສູງການຄຸ້ມຄອງລັດທີ່ມີຕໍ່ວຽກງານຊົນເຜົ່າ. ທ່ານນາຍົກລັດຖະມົນຕີ ຫງວຽນເຕີນຢຸງ ສະເໜີໃຫ້ຄະນະກຳມະການຊົນເຜົ່າ, ບັນດາກະຊວງ, ຂະແໜງການຕ່າງໆ ສືບຕໍ່ກວດກາຄືນບັນດາກົນໄກ, ນະໂຍບາຍຊົນເຜົ່າ; ກຳນົດຫົວໜ່ວຍຮັບຜິດຊອບການຄຸ້ມຄອງ; ສ້າງ, ດັດແປງ, ຜັນຂະຫຍາຍປະຕິບັດ, ແບ່ງກຳນົດແຈ້ງນະໂຍບາຍໜູນຊ່ວຍພັດທະນາ ແລະ ນະໂຍບາຍຮັບປະກັນຊີວິດສັງຄົມຢ່າງຈະແຈ້ງ; ເພີ່ມທະວີການຈັດແບ່ງຂັ້ນໃຫ້ທ້ອງຖິ່ນ. ບັນດານະໂຍບາຍຕ້ອງຮັບປະກັນລັກສະນະເປັນໄປໄດ້, ສ້າງເງື່ອນໄຂສົ່ງເສີມໃຫ້ປະຊາຊົນເປັນເຈົ້າຕົນເອງປືນຕົວຂຶ້ນ, ຫຼຸດຜົ້ນອອກຈາກຄວາມທຸກຍາກຢ່າງໝັ້ນຄົງ. ຄະນະກຳມະການຊົນເຜົ່າ ແລະ ບັນດາກະຊວງ, ຂະແໜງການ, ທ້ອງຖິ່ນຄົ້ນຄວ້າ, ເປັນເອກະພາບສະເໜີທັດສະນະ, ກຳນົດທິດ, ຈຸດໝາຍສ້າງໃໝ່ບັນດາໂຄງການ, ກົນໄກ, ນະໂຍບາຍຊົນເຜົ່າ, ເໝາະສົມກັບສະພາບຢູ່ເຂດຊົນເຜົ່າ, ເຂດພູດອຍໃນໄລຍະໃໝ່ ແລະບັນລຸປະສິດທິຜົນສູງສຸດ.