ທີ່ການຊັກຖາມ, ທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ ໃຫ້ຮູ້ວ່າ, ໃນໄລຍະຜ່ານມາ, ຂະແໜງວັດທະນະທຳ, ກິລາ ແລະ ທ່ອງທ່ຽວ ກຳນົດການພັດທະນາບັນດາຜະລິດຕະພັນທ່ອງທ່ຽວເປັນເອກະລັກສະເພາະ, ມີສະພາບແວດລ້ອມທ່ອງທ່ຽວສີວິໄລ, ເປັນມິດ, ລາຄາແກ່ງແຍ້ງ ແລະ ຕ້ອງຮ່ວມມືກັບປະຊາຊົນເພື່ອພັດທະນາການທ່ອງທ່ຽວ. ຍ້ອນເຫດນັ້ນ, ສະພາບການທ່ອງທ່ຽວຂອງ ຫວຽດນາມ ໄດ້ຮັບການປົວແປງໃນ 5 ເດືອນຕົ້ນປີ ແລະ ມີລະດັບເຕີບໂຕໃດໜຶ່ງ.

“ປະຈຸບັນ, ບັນດາຜະລິດຕະພັນທ່ອງທ່ຽວທີ່ໄດ້ຢັ້ງຢືນ ພວມນຳໃຊ້ແມ່ນໄປຖືກທິດ. ຕົວຢ່າງຄື: ທ່ອງທ່ຽວທະເລ, ທ່ອງທ່ຽວເຂດຊຸມຊົນ ແລະ ຫຼາຍຜະລິດຕະພັນທ່ອງທ່ຽວອື່ນອີກ… ລ້ວນແຕ່ຖືກທິດ ແລະ ສອດຄ່ອງ. ມີຜະລິດຕະພັນທ່ອງທ່ຽວຈຳນວນໜຶ່ງມີການພົວພັນແລກປ່ຽນດ້ານວັດທະນະທຳກັບຕ່າງປະເທດ. ບັນດາຄວາມກ້າວໜ້າ, ສິ່ງຍອດຍິ່ງຂອງມວນມະນຸດຕ້ອງໄດ້ຮັບເອົາເພື່ອເພີ່ມເຕີມ ແລະ ສ້າງຄວາມຮັ່ງມີໃຫ້ແກ່ວັດທະນະທຳ ຫວຽດນາມ”.

ກ່ຽວກັບມາດຕະການແກ້ໄຂໃຫ້ແກ່ການພັດທະນາການທ່ອງທ່ຽວຕອນກາງຄືນ, ທ່ານລັດຖະມົນຕີ ຫງວຽນວັນຮຸ່ງ ໃຫ້ຮູ້ວ່າ, ທ່ານນາຍົກລັດຖະມົນຕີໄດ້ປະກາດໃຊ້ຂໍ້ຕົກລົງອະນຸມັດຜ່ານແຜນການພັດທະນາເສດຖະກິດຕອນກາງຄືນຢູ່ ຫວຽດນາມ, ໃນນັ້ນ ໄດ້ມອບໜ້າທີ່ໃຫ້ກະຊວງວັດທະນະທຳ, ກິລາ ແລະ ທ່ອງທ່ຽວ ສ້າງທົດລອງຜະລິດຈະພັນທ່ອງທ່ຽວຕອນກາງຄືນຈຳນວນໜຶ່ງ. ທາງກະຊວງໄດ້ເລືອກເອົາ 12 ແຂວງ, ນະຄອນເພື່ອສຸມໃສ່ປະບັດຜະລິດຕະພັນທ່ອງທ່ຽວຕອນກາງຄືນຈຳນວນໜຶ່ງ.