ຍົກສູງປະສິດທິຜົນການຮ່ວມມືຮອບດ້ານລະຫວ່າງຫວຽດນາມແລະກຳປູເຈຍ
ທ່ານຮອງນາຍົກລັດຖະມົນຕີ ຟ້າມບີງມີງ ໄດ້ເຂົ້າຢ້ຽມຂ່ຳນັບຜູ້ຮັກສາການນາຍົກລັດຖະມົນຕີ ກຳປູເຈຍ Xamdec Krolahom Xokheng.
ພາບ:VGP
|
(vovworld)- ເນື່ອງໃນໂອກາດໄປຢ້ຽມຢາມກຳປູເຈຍ ແລະ ເປັນປະທານຮ່ວມກອງປະຊຸມຄັ້ງທີ 15 ຄະນະກຳມະການປະສົມຫວຽດນາມ - ກຳປູເຈຍ ກ່ຽວກັບການຮ່ວມມືດ້ານເສດຖະກິດ, ວັດທະນະທຳ, ວິທະຍາສາດເຕັກນິກ ແລະ ກອງປະຊຸມຮ່ວມມື ແລະ ພັດທະນາບັນດາແຂວງຊາຍແດນ ຫວຽດນາມ -ກຳປູເຈຍ ຄັ້ງທີ 9 ຢູ່ ພະນົມເປັນ, ຕອນບ່າຍວັນທີ 14/3, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດຫວຽດນາມ ຟ້າມບີງມີງ ໄດ້ເຂົ້າຢ້ຽມຂ່ຳນັບຜູ້ຮັກສາການນາຍົກລັດຖະມົນຕີ ກຳປູເຈຍ Xamdec Krolahom Xokheng. ທີ່ການພົບປະ, ທ່ານ Xamdec Krolahom Xokheng ຢືນຢັນ: ຈະສືບຕໍ່ຊີ້ນຳບັນດາກະຊວງ, ຂະແຫນງການ, ທ້ອງຖິ່ນຂອງ ກຳປູເຈຍ ສືບຕໍ່ສົມທົບກັບຫວຽດນາມເປັນຢ່າງດີ ເພື່ອເສີມຂະຫຍາຍບັນດາຜົນງານທີ່ບັນລຸໄດ້, ມານະພະຍາຍາມຜັນຂະຫຍາຍບັນດາເນື້ອໃນຮ່ວມມືຊື່ງການນຳຂັ້ນສູງສອງປະເທດໄດ້ຕົກລົງກັນ ເພື່ອແນໃສ່ເປີດກວ້າງ ແລະ ຍົກສູງປະສິດທິຜົນການຮ່ວມມືຮອບດ້ານລະຫວ່າງສອງປະເທດໃນໄລຍະຈະມາເຖິງກວ່າອີກ.
ທ່ານຮອງນາຍົກລັດຖະມົນຕີ ຟ້າມບີງມີງ ສະເຫນີ ຜູ້ຮັກສາການນາຍົກລັດຖະມົນຕີ ກຳປູເຈຍ Xamdec Krolahom Xokheng ຊີ້ນຳເພືື່ອໃຫ້ວຽກງານຂີດເສັ້ນຊາຍແດນ-ປັກຫລັກໝາຍຊາຍແດນທາງບົກລະຫວ່າງສອງປະເທດສຳເລັດໂດຍໄວເພື່ອສ້າງເສັ້ນຊາຍແດນສອງປະເທດກາຍເປັນເສັ້ນຊາຍແດນແຫ່ງສັນຕິພາບ, ມິດຕະພາບແລະ ການພັດທະນາ, ເອົາໃຈໃສ່, ສ້າງເງື່ອນໄຂໃຫ້ແກ່ບັນດາວິສາຫະກິດຫວຽດນາມພວມລົງທຶນ, ດຳເນີນທຸລະກິດຢູ່ ກຳປູເຈຍ ກວ່າອີກ ແລະ ສ້າງເງື່ອນໄຂສະດວກໃຫ້ຊາວຫວຽດນາມ ພວມດຳລົງຊີວິດຍາວນານຢູ່ ກຳປູເຈຍ.
ຕອນບ່າຍວັນດຽວກັນ, ທ່ານຮອງນາຍົກລັດຖະມົນຕີ ຟ້າມບີງມີງ ໄດ້ໄປຢ້ຽມຢາມສະຖານທູດຫວຽດນາມ ປະຈຳ ກຳປູເຈຍ.