ທ່ານນາຍົກລັດຖະມົນຕີ ຫງວຽນເຕີນຢູ້ງ
|
(vovworld) -ຕອນບ່າຍວັນທີ 21/4, ທີ່ສຳນັກງານລັດຖະບານ, ທ່ານນາຍົກລັດຖະມົນຕີ ຫງວຽນເຕີນຢູ້ງ ເຮັດວຽກກັບຄະນະຜູ້ປະຈຳການສູນກາງສະມາຄົມຊາວກະສິກອນ ຫວຽດນາມ ເພື່ອແນໃສ່ຕີລາຄາການສົມທົບກັນເຮັດວຽກລະຫວ່າງລັດຖະບານ ແລະ ສູນກາງສະມາຄົມໃນໄລຍະຜ່ານມາ. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫງວຽນເຕີນຢູ້ງ ຖືວ່າ: ສະມາຄົມຂັ້ນຕ່າງໆຕ້ອງເພີ່ມທະວີການຮ່ວມມືກັບບັນດາອົງການ, ຄະນະ, ຂະແໜງການຈາກສູນກາງລົງຮອດທ້ອງຖິ່ນກ່ວາອີກ ເພື່ອປະຕິບັດບັນດາໜ້າທີ່ພັດທະນາເສດຖະກິດ - ສັງຄົມທີ່ໄດ້ວາງອອກໃນປີເປັນຢ່າງດີ. ທ່ານນາຍົກລັດຖະມົນຕີ ຫງວຽນເຕີນຢູ້ງ, ຊີ້ແຈ້ງວ່າ:
“ກ່ອນອື່ນໝົດ, ຊາວກະສິກອນຕ້ອງຕິດພັນກັບການຜະລິດ, ເຮັດແນວໃດເພື່ອໃຫ້ການຜະລິດກະສິກຳຂອງ ຫວຽດນາມ ມີປະສິດທິຜົນກ່ວາອີກ, ມີກຳລັງແກ້ງແຍ້ງກ່ວາອີກ, ນີ້ແມ່ນຈຸດເລີ່ມຕົ້ນຂອງການພັດທະນາ. ຂະແໜງກະສິກຳຕ້ອງຫັນປ່ຽນໂຄງປະກອບ, ສ້າງໂຄງປະກອບກະສິກຳຢ່າງມີປະສິດທິຜົນກ່ວາອີກ, ຈາກນັ້ນຍົກສູງກຳລັງແກ້ງແຍ້ງ. ພວກເຮົາຕ້ອງນຳວິທະຍາສາດເຕັກໂນໂລຢີເຂົ້າການຜະລິດກະສິກຳ, ຈາກແນວປູກ ເຖິງຂັ້ນຕອນການປູກຝັງ, ບົວລະບັດປຸງແຕ່ງ”