(vovworld) - ໃນຂອບເຂດກອງປະຊຸມສະໄໝສາມັນເທື່ອທີ 5 ສະພາແຫ່ງຊາດຫວຽດນາມ ຊຸດທີ 13, ວັນທີ 07/06, ບັນດາສະມາຊິກສະພາແຫ່ງຊາດ ໄດ້ສະຫງວນເວລາມື້ໜຶ່ງ ເພື່ອປຶກສາຫາລືກ່ຽວກັບໝາກຜົນແຫ່ງການຕິດຕາມກວດກາການປະຕິບັດກົດໝາຍວ່າດ້ວຍການປະຕິບັດການປະຢັດ, ຕ້ານການຟຸມເຟືອຍ ໃນການນຳໃຊ້ແຫຼ່ງທຶນຈາກພັນທະບັດລັດຖະບານ ໃຫ້ແກ່ການລົງທຶນກໍ່ສ້າງພື້ນຖານ, ໄລຍະ 2006 – 2012. ນີ້ແມ່ນໜຶ່ງໃນບັນດາເນື້ອໃນຕິດຕາມກວດກາສຳຄັນຂອງສະພາແຫ່ງຊາດ ເຊິ່ງໄດ້ຮັບການປຶກສາຫາລືທີ່ກອງປະຊຸມຄັ້ງນີ້. ໃນການປຶກສາຫາລືໃນຕອນເຊົ້າວັນທີ 07/06, ບັນດາສະມາຊິກສາະພາແຫ່ງຊາດ ເນັ້ນໜັກວ່າ ເລື່ອງສະພາແຫ່ງຊາດຕັດສິນແຜນນະໂຍບາຍຈຳໜ່າຍພັນທະບັດລັດຖະບານໃຫ້ແກ່ການລົງທຶນກໍ່ສ້າງບັນດາກິດຈະກຳໂຄງການສຳຄັນໃນໄລຍະ 2006 – 2012 ແມ່ນຖືກຕ້ອງ, ປະກອບສ່ວນພັດທະນາເສດຖະກິດສັງຄົມ, ຮັບປະກັນຊີວິດສັງຄົມ, ປ່ຽນແປງໂສນໜ້າຊົນນະບົດເຂດພູດອຍ. ແຕ່ວ່າ, ບັນດາສະມາຊິກສະພາແຫ່ງຊາດກໍ່ຍ້ອມຮັບວ່າ ການນຳໃຊ້ພັນທະບັດລັດຖະບານໃຫ້ແກ່ການລົງທຶນກໍ່ສ້າງພື້ນຖານຍັງມີຂໍ້ຈຳກັດຫຼາຍຢ່າງ. ບົນພື້ນຖານໄຈ້ແຍກບັນດາເຫດຜົນ ແລະ ສະພາບຕົວຈິງໃນການນຳໃຊ້ແຫຼ່ງທຶນຈາກພັນທະບັດລັດຖະບານ ໃຫ້ແກ່ການລົງທຶນກໍ່ສ້າງພື້ນຖານ, ໄລຍະ 2006 – 2012, ທ່ານນາງ, ລີກ່ຽວເວີນ, ສະມາຊິກສະພາແຫ່ງຊາດແຂວງ ກວາງຈີ້, ສະເໜີບັນດາມາດຕະການຍົກສູງປະສິດທິຜົນແຫ່ງການນຳໃຊ້ແຫຼ່ງທຶນພັນທະບັດລັດຖະບານ ໃຫ້ແກ່ການລົງທຶນກໍ່ສ້າງພື້ນຖານ, ໄລຍະ 2006 – 2012 ວ່າ.
“ສະພາແຫ່ງຊາດຕ້ອງພິຈາລະນາປັບປຸງ, ເພີ່ມເຕີ່ມສຳເລັດລະບົບກົດໝາຍທີ່ກ່ຽວຂ້ອງເຖິງການປະຕິບັດການປະຢັດ, ຕ້ານການຟຸມເຟືອຍໂດຍໄວ ເພື່ອສ້າງຄວາມເປັນເອກະພາບໃນວິວັດການຈັດຕັ້ງການປະຕິບັດ. ທີ່ກອງປະຊຸມຕັ້ງນີ້, ສະພາແຫ່ງຊາດຈະໃຫ້ ຄຳເຫັນປັບປຸງກົດໝາຍວ່າດ້ວຍການປະຕິບັດການປະຢັດ, ຕ້ານການຟຸມເຟືອຍ, ຂ້າພະເຈົ້າສະເໜີວ່າ ຮ່າງກົດໝາຍຕ້ອງກຳນົດໜ້າທີ່ຮັບຜິດຊອບສຳລັບ ຫົວໜ້າອົງການ, ອົງການຈັດຕັ້ງ ແລະ ບັນດາສ່ວນບຸກຄົນທີ່ກ່ຽວຂ້ອງເມື່ອລະເມີດໃນການລົງທຶນກໍ່ສ້າງພື້ນຖານຢ່າງຈະແຈ້ງ. ສະເໜີໃຫ້ລັດຖະບານຄວນໃຫ້ບັນດາກິດຈະກຳ ພວມມີແຫຼ່ງທຶນໃນປະຈຸບັນເຊິ່ງສາມາດກໍ່ສ້າງສຳເລັດກ່ອນກຳນົດເວລາໄດ້ຮັບທຶນຈາກພັດທະບັດລັດຖະບານ ເພື່ອນຳກິດຈະກຳເຂົ້າໃຊ້ການໂດຍໄວ. ຕ້ອງເພີມທະວີວຽກງານຄຸ້ມຄອງການລົງທຶນກໍ່ສ້າງພື້ນຖານ, ເພີ່ມທະວີການກວດກາສຳລັບບັນດາກິດຈະກຳກໍ່ສ້າງ”.
ແລະກໍໃນຕອນເຊົ້າວັນດຽວກັນ, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ກາວດຶກຟ໋າດ ໄດ້ເຂົ້າຮ່ວມການອະພິປາຍກ່ຽວກັບໝາກຜົນແຫ່ງການລົງທຶນພື້ນກໍ່ສ້າງຖານໄລຍະ 2006 – 2012 ໃນຂົງເຂດທີ່ຕົນຄຸ້ມຄອງ. ທ່ານກາວດຶກຟາດ ລັດຖະມົນຕີກະຊວງກະກຳ ແລະ ພັດທະນາຊົນນະບົດຫວຽດນາມ ໃຫ້ຮູ້ວ່າ:
“ຕາມຂ້າພະເຈົ້າແລ້ວ. ການປັບປຸງບັນດາສິ່ງຍັງຄົງຄ້າງແມ່ນຈຳເປັນທີ່ສຸດ ແຕ່ພວກຂ້າພະເຈົ້າກໍ່ສະເໜີໃຫ້ລັດຖະບານຈົ່ງພິຈາລະນາເພີ່ມເຕີມທຶນເພື່ອສືບຕໍ່ປະຕິບັດບັນດາກິດຈະກຳພວມກໍ່ສ້າງໃຫ້ສຳເລັດ ແລະ ປະຕິບັດແຜນນະໂຍບາຍສ້າງໂຄງປະກອບການລົງທຶນຄືນໃໝ່. ນອກຈາກນັ້ນແລ້ວ, ຖ້າຫາກພວກເຮົາພຽງແຕ່ສຸມໃສ່ທຶນປະຕິບັດບັນດາໂຄງການພວມປະຕິບັດ ແຕ່ບໍ່ເປີດຫຼືປັບປຸງທຶນເຂົ້າບັນດາໂຄງການຮັບໃຊ້ໃຫ້ແກ່ຈຸດໝາຍສ້າງໂຄງປະກອບການລົງທຶນຄືນໃໝ່, ນີ້ກໍ່ແມ່ນຂໍ້ຕິດຂັດທີ່ປະຈຸບັນພວກຂ້າພະເຈົ້າ ແລະ ຫຼາຍທ້ອງຖິ່ນພວມປະສົບ”.