(vovworld) - “ໄຊຊະນະຂອງຫວຽດນາມ ທີ່ກອງປະຊຸມປາຣີ ແມ່ນພະຍານຫຼັກຖານ ກ່ຽວກັບຄວາມຖືກຕ້ອງ, ສະຫຼາດສ່ອງໄສຂອງແນວທາງ, ຍຸດໂທບາຍຂອງພື້ນຖານທາງດ້ານການທູດຫວຽດນາມ ພາຍໃຕ້ການນຳພາຂອງທ່ານປະທານໂຮ່ຈິມິນ ແລະ ກົມການເມືອງ”. ທ່ານນາງອະດີດຮອງປະທານປະເທດຫວຽດນາມ ຫງວຽນທິບິ່ງ, ຫົວໜ້າຄະນະເຈລະຈາຂອງລັດຖະບານປະຕິວັດຊົ່ວຄາວສາທາລະນະລັດພາກໃຕ້ຫວຽດນາມ ທີ່ການເຈລະຈາປາຣີ ໄດ້ຢືນຢັນຄືດັ່ງກ່າວໃນບົດປາໄສກ່າວທີ່ພິທີໂຮມຊຸມນຸມມິດຕິງສະເຫຼີມສະຫຼອງ 40 ປີແຫ່ງການເຊັນສົນທິສັນຍາປາຣີ, ເຊິ່ງດຳເນີນໄປໃນວັນທີ 25/01. ທ່ານນາງອະດີດຮອງປະທານປະເທດ ຫງວຽນທິບິ່ງ ເນັ້ນໜັກວ່າ.
“2 ຄະນະເຈລະຈາພວກຂ້າພະເຈົ້າໄດ້ປະຕິບັດຄຳຊີ້ນຳຂອງກົມການເມືອງຢ່າງເຂັ້ມງວດ: ໃນການຕໍ່ສູ້ ຍາມໃດກໍຮັກສາຫຼັກໝັ້ນ, ຫຼັກການ; ໃນແຕ່ລະບາດກ້າວເດີນກໍຮູ້ວິທີນິ້ມນວນອອ່ນໂຍນ ແລະ ມີໄຫວພິບ. ສິ່ງທັງໝົດດັ່ງກ່າວນັ້ນ ແມ່ນເພື່ອແນໃສ່ປະຕິບັດຈຸດໝາຍສຸດທ້າຍແມ່ນ ອາເມລິກາ ຕ້ອງຖອນທະຫານທັງໝົດ, ທະຫານຫວຽດນາມ ຢູ່ກັບທີ່, ບັນດາສິດເປັນພື້ນຖານຂອງປະຊາຊົນຫວຽດນາມ ຕ້ອງໄດ້ຮັບການຮັບປະກັນ,ປະເທດ ຫວຽດນາມ ແມ່ນຂອງຊາວຫວຽດນາມ. ຢູ່ທີ່ນີ້, ການຕໍ່ສູ້ບໍ່ນຳໃຊ້ອາວຸດ, ຫາກໃຊ້ເຈດຈຳນົງທີ່ຫຍຸ້ງຍາກ, ລຳບາກທີ່ສຸດ.
ໃນໄຊຊະນະຂອງຫວຽດນາມ ທີ່ການເຈລະຈາສັນຍາປາຣີ ກ່ອນນີ້ 40 ປີ, ແມ່ນຕ້ອງເຕື້ອງ ເຖິງການສະໜັບສະໜູນຢ່າງສຸດຈິດສຸດໃຈຂອງເພື່ອນມິດສາກົນ, ບັນດາຜູ້ທີ່ຮັກຫອມສັນຕິພາບໃນໂລກ. ທ່ານນາງອະດີດຮອງປະທານປະເທດ ຫງວຽນທິບິ່ງ ຊີ້ແຈ້ງວ່າ.
“ພວກເຮົາເຕື້ອງເຖິງປະຊາຊົນນັບລ້ານໆຄົນໃນໂລກ, ຂະບວນການຕໍ່ສູ້ຕ້ານອາເມລິກາ ດ້ວຍຫຼາຍຮູບຫຼາຍແບບ ເຊິ່ງໄດ້ປະກອບສ່ວນເຂົ້າໃນໄຊຊະນະຂອງປະຊາຊົນ. ປະຊາຊົນຫວຽດນາມ ຈົດຈຳນ້ຳໃຈ, ການສະໜັບສະໜູນອັນລ້ຳຄ່າຂອງເພື່ອນມິດສາກົນໃນທົ່ວໂລກຕະຫຼອດໄປ. ຂ້າພະເຈົ້າຢາກເວົ້າເຖິງຂະບວນການສາມັກຄີຫວຽດນາມ ຂອງປະຊາຊົນຝລັ່ງ, ດ້ວຍການເຂົ້າຮ່ວມທີ່ສຸດຈິດສຸດໃຈ ແລະ ແຂງແຮງຂອງພັກກອມມູນິດຝລັ່ງ, ບັນດາພັກຝ່າຍການເມືອງອື່ນໆ, ບັນດາອົງການຈັດຕັ້ງມະຫາຊົນ, ໄວໜຸ່ມ, ແມ່ຍິງ, ກຳມະບານ, ນັກປັນຍາຊົນ, ສາສະໜາ ແລະ ນັບທັງລັດຖະບານຝລັ່ງ ທີ່ໄດ້ສ້າງເງື່ອນໄຂສະດວກໃຫ້ແກ່ການເຄື່ອນໄຫວຂອງກອງປະຊຸມປາຣີ”.
ແລະກໍເນື່ອງໃນໂອກາດນີ້, ພິທີ່ສະເຫຼີມສະຫຼອງ 40 ປີແຫ່ງວັນເຊັນສົນທິສັນຍາປາຣີ ກໍໄດ້ຖືກຈັດຂຶ້ນໃນວັນທີ 24/01, ຢູ່ຝລັ່ງ. ນະພິທີ່ທ່ານເອກອັກຄະລັດຖະທູດຫວຽດນາມ ປະຈຳຝລັ່ງ ເຢືອງຈິ໋ຢຸງ ໄດ້ຊີ້ໃຫ້ເຫັນຄວາມໝາຍປະຫວັດສາດຂອງສັນຍາປາຣີ ຢຸດຕິສົງຄາມ ແລະ ສ້າງສັນຕິພາບຄືນໃໝ່ຢູ່ຫວຽດນາມ.