ຍື່ນບັນຊີລາຍຊື່ຜູ້ໄດ້ຮັບສະເໜີອອກເລືອກຕັ້ງເປັນຮອງປະທານສະພາແຫ່ງຊາດແລະກຳມະການຄະນະປະຈຳສະພາແຫ່ງຊາດ
ສືບຕໍ່ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 13
(ພາບ: NguyenDan/TTXVN)
(vovworld) - ໂດຍສືບຕໍ່ກອງປະຊຸມສະໄໝສາມັນເທື່ອທີ 11 ສະພາແຫ່ງຊາດຊຸດທີ 13, ຕອນເຊົ້າວັນທີ 04/04, ຄະນະປະຈຳສະພາແຫ່ງຊາດ ຍື່ນສະເໜີບັນຊີລາຍຊື່ ເພື່ຶອໃຫ້ສະພາແຫ່ງຊາດເລືອກຕັ້ງ ຮອງປະທານສະພາແຫ່ງຊາດ 2 ທ່ານ ແລະ ສະມາຊິກຄະນະປະຈຳສະພາແຫ່ງຊາດບາງທ່ານ. ຕາມໃບສະເໜີແລ້ວ: ທ່ານ ໂດບ໋າຕິ້ ລັດຖະມົນຕີຊ່ວຍວ່າການກະຊວງປ້ອງກັນປະເທດ, ເສນາທິການໃຫຍ່ກອງທັບປະຊາຊົນ ຫວຽດນາມ ແລະ ທ່ານ ຟູງກ໋ວກຫຽນ (ເຊິ່ງສະພາແຫ່ງຊາດຫາກໍ່ດຳເນີນການພົ້ນຕຳແໜ່ງເປັນຫົວໜ້າກຳມາທິການການເງິນ - ງົບປະມານ) ໄດ້ຮັບແຕ່ງຕັ້ງດຳລົງຕຳແໜ່ງເປັນຮອງປະທານສະພາແຫ່ງຊາດ. ໃບສະເໜີຂອງຄະນະປະຈຳສະພາແຫ່ງຊາດກໍ່ແນະນຳບຸກຄະລາກອນ ເພື່ອເລືອກຕັ້ງກຳມະການຄະນະປະຈຳສະພາແຫ່ງຊາດ 7 ທ່ານ.
ແລະກໍ່ໃນຕອນເຊົ້າວັນດຽວກັນ, ສະພາແຫ່ງຊາດຮັບຟັງທ່ານປະທານປະເທດ ເຈີ່ນດ້າຍກວາງ ອ່ານໃບສະເໜີສະພາແຫ່ງຊາດໃຫ້ສັດຕະຍາບັນຈົດໝາຍທາງການຂໍ້ຕົກລົງກ່ຽວກັບອອກວີຊາລະຫວ່າງ ຫວຽດນາມ ແລະ ອາເມລິກາ.