(ພາບປະກອບ)
(vovworld) - ຕອນບ່າຍວັນທີ 24/01, ກຳລັງລາດຕາເວັນຍີ່ປຸ່ນ ໄດ້ຈັບເຮືອຫາປາຂອງຈີນ ຍ້ອນຫາປາຢ່າງຜິດກົດໝາຍຢູ່ເຂດຂອກຝັ່ງທະເລແຂວງ Nagasaki, ທາງທິດຕາເວັນຕົກສ່ຽງໃຕ້ຍີ່ປຸ່ນ. ຫົວໜ້າກົງສູນໃຫຍ່ຈີນ ປະຈຳແຂວງ Fukuoka ໃຫ້ຮູ້ວ່າ, ກໍ່າປັ່ນຫາປາດັ່ງກ່າວ ໄດ້ຈົດທະບຽນກວດກາຢູ່ແຂວງ ແຈຈຽງ, ຖືກຈັບຢູ່ເຂດທະເລເສດຖະກິດພິເສດໃກ້ກັບນະຄອນ Goto ຂຶ້ນກັບແຂວງ Nagasaki. ລູກເຮືອລວມມີ 8 ຄົນ ລ້ວນແຕ່ຖືສັນຊາດຈີນ. ກັບຕັນຂອງເຮືອຫາປານີ້ໄດ້ນຳໄປເຮືອລາດຕາເວັນຂອງຍີ່ປຸ່ນ ເພື່ອສໍ້ຖາມ ແລະ ຈະຖືກສົ່ງໄປທ່າກໍ່າປັ່ນ Hakata, ແຂວງ Fukuoka. ບັນດາສະມາຊິກອື່ນໆ ຂອງກໍ່າປັ່ນຍັງຖືກຮັກສາໄວ້ຢູ່ບ່ອນເກີດເຫດ. ກົງສູນໃຫຍ່ສະຖານທູດຈີນ ໄດ້ເລັ່ງລັດຝ່າຍຍີ່ປຸ່ນ ຮັບປະກັນຄວາມປອດໄພໃຫ້ແກ່ບັນດາລູກເຮືອຂອງຈີນ.