(vovworld) - ວັນທີ 17/12, ກ່າວຄຳເຫັນທີ່ການປະຊຸມຂ່າວທຳອິດຢູ່ສຳນັກງານຂອງພັກປະຊາທິປະໄຕເສລີ (LDP) ຢູ່ໂຕກຽວ ພາຍຫຼັງພັກນີ້ຍາດໄດ້ໄຊຊະນະໃນການເລືອກຕັ້ງສະພາຕໍ່າຍີ່ປຸ່ນ, ທ່ານປະທານ LDP Shinzo Abe ໃຫ້ຮູ່ ພວມສົ່ງເສີມການສ້າງຕັ້ງລັດຖະບານໃໝ່ ແລະ ຄາດວ່າຈະປະກາດຄະນະລັດຖະບານໃໝ່ໃນວັນທີ 26/12 ດ້ວຍຈຸດໝາຍຕົ້ນຕໍ່ແມ່ນ “ຜ່ານຜ່າວິກິດການຕ່າງໆ”, ພ້ອມທັງໃຫ້ຄຳໝັ້ນສັນຍາຈະເປີດກວ້າງພື້ນຖານເສດຖະກິດ ແລະ ຟື້ນຟູກຳລັງແຮງດ້ານການທູດຂອງຍີ່ປຸ່ນ. ກ່ຽວກັບດ້ານເສດຖະກິດ, ທ່ານ Abe ຊີ້ແຈ້ງວ່າ ພາຍຫຼັງການສ້າງຕັ້ງ, ລັດຖະບານຂອງທ່ານຈະມານະພະຍາຍາມແກ້ໄຂສະພາບຫຼຸດຜ່ອນລະດັບພັດທະນາເສດຖະກິດ ແລະ ສະພາບສະກຸງເງິນເຢນ ເພີ່ມລະຄາ. ກ່ຽວກັບນະໂຍບາຍການຕ່າງປະເທດ, ທ່ານປະທານ LDP ຢືນຢັນວ່າ ຈະສືບຕໍ່ຮັກສາສຳພັນທະມິດຍີ່ປຸ່ນ - ອາເມລິກາ ແລະ ຟື້ນຟູກຳລັງແຮງດ້ານການທູດຂອງຍີ່ປຸ່ນ. ທ່ານປະທານ LDP ກໍຢືນຢັນວ່າ ການພົວພັນລະຫວ່າງຍີ່ປຸ່ນ ແລະ ຈີນ ແມ່ນໜຶ່ງໃນບັນດາການພົວພັນສຳຄັນທີ່ສຸດສຳລັບຍີ່ປຸ່ນ.