ຍີ່ປຸ່ນ ພັດທະນາຢາວັກຊີນກັນເຊື້ອ Covid – 19 ບັນລຸໄດ້ໝາກຜົນເປັນໜ້າຊື່ມຊົມ
(VOVWORLD) -ລັດຖະບານຍີ່ປຸ່ນຕັດສິນໜູນຊ່ວຍ 9 ໂຄງການພັດທະນາວັກຊີນ. ຍອດງົບປະມານໜູນຊ່ວຍແມ່ນປະມານ 67 ລ້ານ USD. ວັກຊີນໄດ້ຮັບການຜະລິດດ້ວຍວິທີລ້ຽງໄວຣັດໃນໄຂ່ໄກ່ ແລະ ຈຸລັງຂອງສັດ, ຫຼັງຈາກນັ້ນຄ່ອຍໆຂ້າພິດຂອງໄວຣັດ.
ໝາກຜົນຂອງການຄົ້ນຄ້ວາພວມຢູ່ໃນໄລຍະພັດທະນາເປັນຢ່າງດີ, ຄາດວ່າການທົດລອງສຳລັບຄົນອາດຈະເລີ່ມໃນເດືອນກໍລະກົດຈະມາເຖິງ. ຕາມປົກກະຕິຕ້ອງໃຊ້ເວລາຢ່າງໜ້ອຍສຸດ 1 ປີເພື່ອຜະລິດຢາວັກຊີນເປັນຈຳນວນຫຼາຍ ຍ້ອນຕ້ອງທົດລອງຢ່າງຕໍ່ເນື່ອງຢູ່ບັນດາຮາກຖານຄົ້ນຄ້ວາທີ່ໄດ້ປະກອບອຸປະກອນທີ່ຕອບສະໜອງໄດ້ມາດຕະຖານຄວາມປອດໄພສູງ. ເຖິງຢ່າງໃດກໍ່ຕາມ, ປັດຈຸບັນ ບັນດານັກຄົ້ນຄ້ວາຕ້ອງນຳໃຊ້ເຕັກໂນໂລຢີໃໝ່ເພື່ອຫຼຸດ ເວລາໃນການຜະລິດລົງ.