(vovworld) - ວັນທີ 13/11, ທ່ານ​ຮອງ​ລັດຖະມົນຕີ​ປ້ອງກັນ​ປະ​ເທດ ຍີ​ປຸນ Masanori Nishi ​ແລະ ຄູ່​ຕຳ່​ແໜ່ງ​ ສ.​ເກົາຫຼີ ທ່ານ Baek Sueng Joo ​ໄດ້​ມີ​ການ​ພົບ​ປະ​ຢູ່​ນອກ​ກອງ​ປະຊູມຂັ້ນຮອງ​ລັດຖະມົນຕີ​ປ້ອງ​ກັນ​ປະ​ເທດບັນດາ​ປະ​ເທດ​ໃນ​ ອາຊີ​ເຊິ່ງ​ໄດ້​ຈັດ​ຂຶ້ນຢູ່ ​ເຊີອຸນ ນັບ​ແຕ່ວັນ​ທີ 11/11 ​ຫາ​ວັນ​ທີ 13/11. ນີ້​ແມ່ນ​​ການ​ພົບ​ປະຄັ້ງ​ທຳ​ອິດ​ລະຫວ່າງຮອງ​ລັດຖະມົນຕີ​ປ້ອງ​ກັນ​ປະ​ເທດ​ສອງ​ປະ​ເທດ​ເຂ​ດອາຊີ​ຕາ​ເວັນອອກ​ສ່ຽງ​ເໜືອ ​ນັບ​ແຕ່​​ເດືອນ 11/2011. ກ່າວ​ຄຳ​ເຫັນ​ທີ່ການ​ພົບ​ປະ, ທ່ານ​ຮອງ​ລັດຖະມົນຕີປ້ອງກັນ​ປະ​ເທດ ຍີ​ປຸນ Masanori Nishi ສະ​ແດງ​ຄວາມ​ຫວັງ​ວ່າ ການ​ພົບ​ປະຄັ້ງນີ້​ຈະ​ຊ່ວຍ​​​ໃຫ້​ແກ່​ການ​ດຳ​ເນີນ​ການ​ເຈລະຈາ​ຕ່າງໆ​ລະຫວ່າງ​ສອງ​ປະ​ເທດ. ສ່ວນທ່ານຮອງ​ລັດຖະມົນຕີ​ປ້ອງ​ກັນ​ປະ​ເທດ ສ.​ເກົາຫຼີ Baek Seung Joo ສະ​ແດງ​ຄວາມວິຕົກ​ກັງ​ວົນ​ຕໍ່​​ເລື່ອງ ​ໂຕກຽວປະຕິ​ບັດ “ ສິດ​ປ້ອງ​ກັນ​ຕົວ​ເອງລວມໝູ່ “ .

      ​ໃນ​ການ​ພົບ​ປະຄັ້ງນີ້, ຮອງ​ລັດຖະມົນຕີ​ປ້ອງ​ກັນ​ປະ​ເທດສອງ​ປະ​ເທດ​ໄດ້​ເຫັນ​ດີເປັນເອກະ​ສັນ​ຈະ​ເພິ່ມທະວີ​ການ​ຮ່ວມ​ມື​ໃນ​ບັນດາ​ບັນຫາ​ທີ່​ກ່ຽວຂ້ອງ​​ເຖິງ​ໂຄງການ​ພັດທະນາ​ນິວຄະ​ເລຍ ​ແລະ ລູກ​ສອນ​ໄຟ ຂອງ ສປປ.​ເກົາ​ລີ ​ແລະ ປຶກສາ​ຫາລືກ່ຽວກັບຂໍ້​ຕົກລົງ​ການ​ແບ່ງປັນ​ຂໍ້​ມູນ​ຂ່າວ​ສືບ​ລາຊະການ​ລັບສອງ​ຝ່າຍ.