(vovworld) - ການເລືອກຕັ້ງສະພາຕໍ່າ ຍີ່ປຸ່ນ ໄດ້ດຳເນີນໄປກ່ອນກຳນົດເວລາຢູ່ເທດສະບານເມືອງ Kesennuma, ແຂວງ Miyagi. ຕອນເຊົ້າວັນທີ 9/12, ອຳນາດການປົກຄອງເທດສະບານເມືອງ ເລີ່ມຕົ້ນຈັດຕັ້ງຄະນະນຳຫີບປ່ອນບັດເລືອກຕັ້ງໄປເຖິງບັນດາເຂດເຮືອນຢູ່ຊົ່ວຄາວທີ່ສະຫງວນໃຫ້ປະຊາຊົນເທດສະບານດັ່ງກ່າວ, ເຊິ່ງຕ້ອງຍົກຍ້າຍພາຍຫຼັງເຫດແຜນດິນໄຫວ ແລະ ຄື້ນຍັກເມື່ອຕົ້ນເດືອນ 3/2011, ເພື່ອໃຫ້ເຂົ້າເຈົ້າປ່ອນບັດກ່ອນທີ່ການເລືອກຕັ້ງສະພາຕໍ່າເລີ່ມຕົ້ນຢ່າງເປັນທາງການໃນວັນທີ 16/12. ເຫດການອື່ນອີກທີ່ກ່ຽວຂ້ອງເຖິງການປ່ອນບັດເລືອກຕັ້ງສະພາຕໍ່າທີ່ຈະມາເຖິງ, ວັນທີ 9/12, ປະທານພັກປະຊາທິປະໄຕເສລີ (LDP) - ພັກຝ່າຍຄ້ານໃຫຍ່ສຸດຢູ່ຍີ່ປຸ່ນ, ອະດີດນາຍົກລັດຖະມົນຕີ Shinzo Abe ໄດ້ປະຕິບັດຄວາມສາມາດສ້າງຕັ້ງລັດຖະບານປະສົມກັບພັກປະຊາທິປະໄຕຍີ່ປຸ່ນ (DPJ) ກຳອຳນາດຂອງທ່ານນາຍົກລັດຖະມົນຕີຄົນປະຈຸບັນ Yoshihiko Noda ພາຍຫຼັງການເລືອກຕັ້ງ. ບັນດາການຢັ່ງຫາງສຽງໃນໄລຍະມໍ່ໆມານີ້ສະແດງໃຫ້ເຫັນວ່າ LDP ພວມມີທ່າໄດ້ປຽບ ແລະ ອາດສາມາດຈະກຳອຳນາດຄືນໃໝ່ ພາຍຫຼັງທີ່ພັກ DPJ ກຳອຳນາດເປັນເວລາ 3 ປີ.