ທ່ານນາຍົກລັດຖະມົນຕີຍີ່ປຸ່ນ Shizo Abe
(ພາບ:vtv.vn)
(vovworld) – ໃນສານຕົ້ນປີໃໝ່ 2013, ທ່ານນາຍົກລັດຖະມົນຕີຍີ່ປຸ່ນ ຄົນໃໝ່ Shizo Abe ໃຫ້ຄຳໝັ້ນສັນຍາຈະດຳເນີນບັນດາມາດຕະການຟື້ນຟູເສດຖະກິດ ແລະ ສ້າງນະໂຍບາຍການທູດຄືນໃໝ່ຢ່າງໄວວາ. ທ່ານ Shizo Abe ຖືວ່າ: ຍີ່ປຸ່ນ ພວມຢູ່ໃນສະພາບຊົ່ວຮ້າຍຍ້ອນການພິພາດເຂດດິນແດນ ແລະ ການສ້າງສາຫຼັງໄພພິບັດມີຄວາມຄຶບໜ້າຢ່າງຊັກຊ້າ. ທ່ານ Shizo Abe ຍອມຮັບວ່າລັດຖະບານຂອງທ່ານຍັງມີວຽກງານຫຼາຍຢ່າງຈະຕ້ອງປະຕິບັດເພື່ອສ້າງບັນດາເຂດຖືກທຳລາຍຍ້ອນເຫດແຜ່ນດິນໄຫວ, ຄື້ນຟອງທີ່ຮ້າຍແຮງເມື່ອເດືອນ 3/2011. ກ່ຽວກັບການພົວພັນກັບຕ່າງປະເທດ, ທ່ານ Shizo Abe ໃຫ້ຄຳໝັ້ນສັນຍາຈະມີຄວາມມານະພະຍາຍາມຈົນສຸດຄວາມສາມາດເພື່ອແນໃສ່ສ້າງນະໂຍບາຍການພົວພັນກັບຕ່າງປະເທດຂອງຍີ່ປຸ່ນ ກັບບາງປະເທດອາຊີຄືນໃໝ່ ຊື່ງເກີດຄວາມເຄັ່ງຕຶງໃນປີ 2012. ກ່ຽວກັບບັນດາມາດຕະການຊຸກຍູ້ພື້ນຖານເສດຖະກິດພວມມີການພັດທະນາຢ່າງຊັກຊ້ານັ້ນ, ທ່ານ Shizo Abe ໃຫ້ຮູ້ວ່າ ໄດ້ສ້າງຕັ້ງຄະນະຟື້ນຟູເສດຖະກິດເພື່ອຕິດຕາມກວດກາບັນດານະໂຍບາຍເສດຖະກິດມະຫາພາກ ພ້ອມທັງຊີ້ນຳບັນດາກະຊວງທີ່ກ່ຽວຂ້ອງຕ້ອງມີວິທີກະຕຸກຊຸກຍູ້ເສດຖະກິດຢ່າງຮີບດ່ວນ ແລະ ສ້າງແຜນງົບປະມານເພີ່ມເຕີມໃຫ້ແກ່ປີການເງິນ 2012.