ຍີ່ປຸ່ນຕີລາຄາສູງບົດບາດ ຂອງກອງທັບ ຫວຽດນາມ ໃນການຮ່ວມມື ຢູ່ພາກພື້ນ
ທ່ານລັດຖະມົນຕີກະຊວງປ້ອງກັນປະເທດ ຍີ່ປຸ່ນ Itsunori Onodera ແລະ ທ່ານຮອງລັດຖະມົນຕີກະຊວງປ້ອງກັນປະເທດ ຫງວຽນຈີ໋ວີ້ງ
(ພາບແຕ່ເດືອນ 8/2013 ຈາກ Hữu Thắng - TTXVN)
(vovworld) – ໂດຍໄດ້ຮັບຄຳເຊີນຈາກທ່ານຮອງລັດຖະມົນຕີກະຊວງປ້ອງກັນປະເທດ ຍີ່ປຸ່ນ Masanori Nishi, ຄະນະຜູ້ແທນການທະຫານຂັ້ນສູງກະຊວງປ້ອງກັນປະເທດ ຫວຽດນາມ ໂດຍພົນໂທ ຫງວຽນຈີ໋ວີ້ງ, ຮອງລັດຖະມົນຕີກະຊວງປ້ອງກັນປະເທດ ນຳໜ້າ, ໄດ້ໄປຢ້ຽມຢາມ ແລະ ເຂົ້າຮ່ວມກອງປະຊຸມເວທີປາໄສຮ່ວມມືປ້ອງກັນປະເທດ ຍີ່ປຸ່ນ - ອາຊຽນ ຄັ້ງທີ 5 ໃນລະຫວ່າງວັນທີ 18 – 19/2.
ເມື່ອເຂົ້າຢ້ຽມຂຳ່ນັບທ່ານລັດຖະມົນຕີກະຊວງປ້ອງກັນປະເທດ ຍີ່ປຸ່ນ Itsunori Onodera, ທ່ານຮອງລັດຖະມົນຕີກະຊວງປ້ອງກັນປະເທດ ຫງວຽນຈີ໋ວີ້ງ ໄດ້ສະແດງຄວາມເຊື່ອໝັ້ນຕໍ່ການພັດທະນາການຮ່ວມມຶປ້ອງກັນປະເທດລະຫວ່າງ 2 ປະເທດ, ທີ່ນັບມື້ນັບກ້າວເຂົ້າສູ່ລວງເລິກ ແລະ ແທດຈິງ, ສົມກັບສາຍພົວພັນຮ່ວມມື, ຄູ່ຮ່ວມມືຍຸດທະສາດລະຫວ່າງ 2 ປະເທດ.
ທ່ານລັດຖະມົນຕີກະຊວງປ້ອງກັນປະເທດ ຍີ່ປຸ່ນ Itsunori Onodera ຕີລາຄາສູງບົດບາດຂອງກອງທັບປະຊາຊົນ ຫວຽດນາມ ໃນບັນດາການເຄື່ອນໄຫວຮ່ວມມືພາກພື້ນ, ພິເສດ, ຫວຽດນາມ ພວມຕັ້ງໜ້າກະກຽມເຂົ້າຮ່ວມກຳລັງຮັກສາສັນຕິພາບຂອງສະຫະປະຊາຊາດ.
ທີ່ການພົບປະ 2 ຝ່າຍກັບທ່ານຮອງລັດຖະມົນຕີກະຊວງປ້ອງກັນປະເທດ Masanori Nishi, 2 ຝ່າຍລ້ວນແຕ່ຖືວ່າ: ຄວນເພີ່ມທະວີການຊ່ວຍເຫຼືອເຊິ່ງກັນ ແລະ ກັນໃນການບຳລຸງສ້າງແຫຼ່ງຊັບພະຍາກອນມະນຸດດ້ານເສລາຮັກໃຫ້ກຳລັງປົກປັກຮັກສາສັນຕິພາບ ສປຊ, ຕຳຫຼວດທະເລ ແລະ ພິເສດແມ່ນບົດຮຽນຮັບມືກັບໄພທຳມະຊາດເຊິ່ງຕ່າງຝ່າຍຕ່າງມີທ່າແຮງ.