(vovworld) – ສູນກ່າວເຕືອນຂຶ້ນຟອງຍັກ ປາຊີຝິກ ໄດ້ປະກາດເຫດແຜ່ນດິນໄຫວມີຄວາມແຮງ 7,3 ອົງກາຣິດເຕີ ເຊິ່ງເກີດຂຶ້ນໃນເວລາ 2 ໂມງ 10 ນາທີວັນທີ 26/10 (ຕາມເວລາ ຍີ່ປຸ່ນ), ໄດ້ເຮັດໃຫ້ຝັ່ງທະເລທາງທິດຕາເວັນອອກ ຍີ່ປຸ່ນ ສັນສະເທືອນ. ພາຍຫຼັງເຫດແຜ່ນດິນໄຫວ, ອົງການອຸຕຸນິຍົມ ຍີ່ປຸ່ນ (JMA) ໄດ້ກ່າວເຕືອນວ່າຄື້ນຍັກຈະທົບໃສ່ຝັ່ງທະເລທາງທິດຕາເວັນອອກສ່ຽງເໜືອ ຍີ່ປຸ່ນ ພ້ອມທັງກ່າວເຕືອນໃຫ້ປະຊາຊົນຕ້ອງຍົກຍ້າຍອອກຈາກຝັ່ງທະເລ. ເຖິງຢ່າງໃດກໍ່ຕາມ, ຫຼັງຈາກນັ້ນ 2 ຊົ່ວໂມງອົງການ JMA ໄດ້ຍົກເລີກຄຳກ່າວເຕືອນຄື້ນຟອງຍັກ.
ພາຍຫຼັງເກີດເຫດແຜ່ນດິນໄຫວ, ເຈົ້າໜ້າທີ່ ຍີ່ປຸ່ນ ໄດ້ອອກຄຳສັ່ງຍົກຍ້າຍບັນດາກຳມະກອນທີ່ພວມເຮັດວຽກຢູ່ໂຮງງານໄຟຟ້າ ນິວເຄຼຍ Fukushima ເລກ 1. ເຖິງຢ່າງໃດກໍ່ຕາມ, ບໍລິສັດໄຟຟ້າ ໂຕກຽມ (TEPCO), ໄດ້ປະກາດວ່າບໍ່ທັນພົບເຫັນສິ່ງໃດທີ່ຜິດປົກກະຕິຢູ່ຮາກຖານດັ່ງກ່າວພາຍຫຼັງເກີດເຫດແຜ່ນດິນໄຫວ.