ວັນທີ 05 ກໍລະກົດ, ກ່າວປາໄສທີ່ການພົບປະກັບຜູ້ອຳນວຍການໃຫຍ່ IAEA, ທ່ານ Yukiya Amano ຢູ່ນະຄອນຫຼວງວຽນນາ, ປະເທດໂອຕາລິດ, ທ່ານ Kono ເນັ້ນໜັກວ່າ ຍີ່ປຸ່ນ ພ້ອມແລ້ວທີ່ຈະໜູນຊ່ວຍດ້ວຍວິທີແບ່ງຄ່າໃຊ້ຈ່າຍທີ່ຈຳເປັນ 3,2 ລ້ານ USD ໃນເບື້ອງຕົ້ນ ໃຫ້ບັນດາການກວດກາຄືແນວນັ້ນ ແລະ ຈັດສົ່ງບັນດານັກຊ່ຽວຊານດ້ານນິວເຄຼຍໜູນຊ່ວຍດ້ານເຕັກນິກຖ້າຫາກສປປ.ເກົາຫຼີ ເຫັນດີເພື່ອ IAEA ກວດກາບັນດາຮາກຖານຂອງປະເທດນີ້ ພາຍຫຼັງໃຫ້ຄຳໝັ້ນສັນຍາມີການກະທຳມຸ່ງໄປເຖິງການປອດນິວເຄຼຍໃນແຫຼມເກົາຫຼີ.

      ສ່ວນທ່ານ Amano, ຜູ້ອຳນວຍການໃຫຍ່ IAEA ໃຫ້ຮູ້ວ່າ, ຖ້າຫາກໄດ້ຮັບຄຳຮຽກຮ້ອງໃຫ້ກວດກາ, IAEA ອາດຈະຜັນຂະຫຍາຍຢ່າງວ່ອງໄວ, ປະຈຸບັນອົງການນີ້ກໍ່ພວມກະກຽມ.

      ກໍທີ່ຂອບເຂດການພົບປະ, 2 ຝ່າຍໄດ້ເປັນເອກະພາບຈະຮ່ວມສຳພັນນຳກັນຢ່າງສະໜິດແໜ້ນໃນບັນຫາປອດນິວເຄຼຍຢູ່ແຫຼມເກົາຫຼີ, ພ້ອມທັງພິຈາລະຈາຄືນບັນດາເນື້ອໃນຮ່ວມມືເຊິ່ງອາເມລິກາ ແລະ ສປປ.ເກົາຫຼີ ໄດ້ເປັນເອກະພາບໃນການພົບປະຂັ້ນສຸດຍອດລະຫວ່າງ 2 ປະເທດເມື່ອເດືອນ ມິຖຸນາ ຢູ່ສິງກະໂປ.