(vovworld) – ວັນທີ 6/6, ຫົວໜ້າຫ້ອງວ່າການລັດຖະບານ ຍີ່ປຸ່ນ ທ່ານ Yoshihide Suga ໃຫ້ຮູ້ວ່າ: ໂຕກຽວ ຫວັງວ່າ ຈີນ ຄວນກະຈ່າງແຈ້ງກ່ວາໃນໂຄງການປ້ອງກັນປະເທດຂອງປະເທດນີ້. ຄຳເຫັນດັ່ງກ່າວໄດ້ຍົກອອກມາພາຍຫຼັງກະຊວງປ້ອງກັນປະເທດ ອາເມລິກາ ປະກາດບົດລາຍງານໂດຍໃຫ້ເຫັນວ່າ: ລະດັບການໃຊ້ຈ່າຍທາງການທະຫານໃນຕົວຈິງຂອງ ຈີນ ສູງກ່ວາເມື່ອທຽບໃສ່ບົດປະກາດຂອງ ປັກກິ່ງ.
ທີ່ການປະຊຸມຂ່າວ, ທ່ານ Suga ເນັ້ນໜັກວ່າ: ໂດຍຜ່ານທາງຕ່າງໆ ຍີ່ປຸ່ນ ຈະຮຽກຮ້ອງໃຫ້ ຈີນ ຍົກສູງຄວາມກະຈ່າງແຈ້ງ ແລະ ເຄົາລົບບັນດາຫຼັກການສາກົນ. ກ່ອນນັ້ນໜຶ່ງວັນ, ກະຊວງການຕ່າງປະເທດ ອາເມລິກາ ໄດ້ຍື່ນສະເໜີຕໍ່ສະພາແຫ່ງຊາດປະເທດນີ້ບົດລາຍງານມີຫົວຂໍ້ວ່າ: “ບັນດາການຜັນແປດ້ານການທະຫານ ແລະ ປ້ອງກັນຄວາມສະຫງົບກ່ຽວຂ້ອງເຖິງ ສປ ຈີນ ປີ 2014”, ໃນນັ້ນຮັບຮູ້ວ່າ: ປັກກິ່ງ ຍັງບໍ່ທັນກະຈ່າງແຈ້ງກ່ຽວກັບບັນດາລະດັບການໃຊ້ຈ່າຍດ້ານປ້ອງກັນປະເທດ. ບັນດານັກຊ່ຽວຊານ ອາເມລິກາ ຖືວ່າ: ປະເທດມີພົນລະເມືອງຫຼາຍທີ່ສຸດໃນໂລກນີ້ມີລາຍຈ່າຍປະມານ 145 ຕື້ USD, ເກີນກ່ວາຫຼາຍເມຶ່ອທຽບໃສ່ຕົວເລກ 119 ຕື້ USD ເຊິ່ງປັກກິ່ງປະກາດຢ່າງທາງການ.