(vovworld) – ໂດຍສະເຫຼີມສະຫຼອງ 150 ປີແຫ່ງວັນສ້າງຕັ້ງຄະນະກຳມະການກາແດງ, ກະຊິກ ວົງເດືອນແດງສາກົນ, ຕອນເຊົ້າວັນທີ 08/05, ສະພາການແດງນະຄອນ ດ່າໜັງ ໄດ້ຈັດຕັ້ງກອງປະຊຸມຍ້ອງຍໍຊົມເຊີຍບັນດາຜູ້ໃຈບຸນໃຈກູ້ສົນເພື່ອສະຖານທີ່ມະນຸດສະທຳປີ 2012, ຍ້ອງຍໍສັນລະສີນ 42 ໝູ່ຄະນະ, ສ່ວນບຸກຄົນທີ່ດີເດັ່ນໃນບັ້ນຂົນຂວາຍ “ແຕ່ລະອົງການ, ແຕ່ລະບຸກຄົນຕິດພັນກັບສະຖານທີ່ມະນຸດ ສະທຳແຫ່ງໜຶ່ງ”. ປີ 2012, ສະພາກາແດງຂັ້ນຕ່າງໆ ຢູ່ນະຄອນ ດາໜັງ ໄດ້ຂົນຂວາຍກ່ວາ 1000 ອົງການ, ສ່ວນບຸກຄົນທັງພາຍໃນ ແລະ ຕ່າງປະເທດປະກອບເງິນ 7,6 ຕື້ດົ່ງ, ຊ່ວຍເຫຼືອມະນຸດສະທຳໃຫ້ເກືອບ 4.000 ແຫ່ງ. ທ່ານ ຫງວຽນທ້ວນ, ຮອງປະທານສະພາກາແດງນະຄອນ ດ່າໜັງ ໃຫ້ຮູ້ວ່າ:
“ອາດເວົ້າໄດ້ວ່າ: ນີ້ແມ່ນບັ້ນຂົນຂວາຍບັນລຸໝາກຜົນຫຼາຍທີ່ສຸດ. ບັນດາວິສາຫະກິດ ເຂົ້າຮ່ວມບັ້ນຂົນຂວາຍລ້ວນແຕ່ມີສະຖານທີ່ມະນຸດສະທຳໂດຍສະພາກະແດງສະເໜີ ແລະ ເຂົ້າເຈົ້າໄດ້ໃຫ້ການຊ່ວຍເຫຼືອໂດຍກົງ. ຜ່ານການຂົນຂວາຍນີ້, ມີຫຼາຍເປົ້າໝາຍນະໂຍບາຍ, ຫຼາຍເປົ້າໝາຍສັງຄົມໄດ້ຮັບການຊ່ວຍເຫຼືອ. ສ່ວນບັນດາເປົ້າໝາຍບໍ່ທັນໄດ້ຮັບການຊ່ວຍເຫຼືອພວກຂ້າພະເຈົ້າຈະສືບຕໍ່ສະເໜີບັນດາ ວິສາຫະກິດ, ສ່ວນບຸກຄົນ, ອົງການພາຍໃນ ແລະ ຕ່າງປະເທດ ເພື່ອໄດ້ຮັບການຊ່ວຍເຫຼືອຈາກເຂົາເຈົ້າ”.
ແລະກໍ່ໃນວັນດຽວກັນ, ສະພາກາແດງນະຄອນ ເກີນເທີ ໄດ້ຈັດຕັ້ງພິທີສະເຫຼີມສະຫຼອງ 150 ປີແຫ່ງວັນສ້າງຕັ້ງຄະນະກຳມະການກາແດງ, ກະຊິກວົງເດືອນແດງສາກົນ ແລະ ພົບປະສັງສັນ ບັນດາຜູ້ອາສາສະໝັກທີ່ດີເດັ່ນ. ນະທີ່ນີ້, ການນຳສະພາກາແດງນະຄອນເກີນເທີ ໄດ້ຮັບຮູ້ການປະກອບສ່ວນອັນໃຫຍ່ຫຼວງຂອງກຸ່ມ ແລະ ຮູບແບບການເຄື່ອນໄຫວມະນຸດສະທຳທີ່ພົ້ນເດັ່ນໃນບໍລິເວນ ແຂວງ.