(VOVWORLD) - ນັກຮຽນທີ່ໄດ້ຮັບການຍ້ອງຍໍຊົມເຊີຍໃນມື້ນີ້ ຄວນສືບຕໍ່ມານະພະຍາຍາມສູ້ຊົນ ເພື່ອສ້າງຕົນເອງໃຫ້ຄົບຖ້ວນ, ມຸ່ງໝັ້ນຕໍ່ພາລະກິດເຊິ່ງຕົນເອງມີຄວາມຄາດຫວັງ ເພື່ອກໍ່ສ້າງຕົວ ແລະ ອຸທິດສ່ວນໃຫ້ປະເທດ.
ກ່າວຄຳເຫັນທີ່ພິທີຍ້ອງຍໍຊົມເຊີຍນັກຮຽນມັດທະຍົມຕອນປາຍທີ່ຄວ້າໄດ້ວາງວັນ Olympic ສາກົນປີ 2020 ໂດຍກະຊວງສຶກສາ ແລະ ບຳລຸງສ້າງຫວຽດນາມ ຈັດຕັ້ງໃນຕອນຄ່ຳວັນທີ 8 ມັງກອນ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເນັ້ນໜັກວ່າ: ປະເທດຊາດພວມກ້າວເຂົ້າສູ່ໄລຍະພັດທະນາໃໝ່ ດ້ວຍບັນດາເປົ້າໝາຍພັດທະນາເສດຖະກິດ-ສັງຄົມສຳຄັນ, ສະນັ້ນ ຂະແໜງການສຶກສາ ແລະ ບຳລຸງສ້າງ ຕ້ອງມີການພັດທະນາບຸກທະລຸ, ຫັນປ່ຽນຢ່າງແຮງກ່ວາ ເພື່ອຍົກສູງຄຸນນະພາບແຫຼ່ງຊັບພະຍາກອນມະນຸດ, ເພີ່ມສະມັດຕະພາບແຮງງານ.
ທ່ານນາຍົກລັດຖະມົນຕີ ຫງວຽນຊວັນຟຸກ ກໍ່ສະເໜີໃຫ້ອຳນາດການປົກຄອງ, ບັນດາອົງການຈັດຕັ້ງການເມືອງ, ສັງຄົມ ແລະ ປະຊາຊົນທຸກຖ້ວນໜ້າ ເອົາໃຈໃສ່ຕໍ່ພາລະກິດການສຶກສາໃຫ້ຫລາຍກ່ວາອີກ, ສ້າງເງື່ອນໄຂໃຫ້ແກ່ການຮ່ຳຮຽນ, ຝຶກຝົນຫຼໍ່ຫຼອມ ແລະ ຄວາມພະຍາຍາມສູ້ຊົນຂອງນັກຮຽນເປັນຢ່າງດີ ແລະ ຄົບຖ້ວນກ່ວາ.
ສຳລັບນັກຮຽນທີ່ໄດ້ຮັບການຍ້ອງຍໍຊົມເຊີຍໃນມື້ນີ້ ຄວນສືບຕໍ່ມານະພະຍາຍາມສູ້ຊົນ ເພື່ອສ້າງຕົນເອງໃຫ້ຄົບຖ້ວນ, ມຸ່ງໝັ້ນຕໍ່ພາລະກິດເຊິ່ງຕົນເອງມີຄວາມຄາດຫວັງ ເພື່ອກໍ່ສ້າງຕົວ ແລະ ອຸທິດສ່ວນໃຫ້ປະເທດ.