(vovworld) - ຕອນເຊົ້າວັນທີ 25/07, ຢູ່ແຂວງເງາະອານ, ຄະນະຊີ້ນຳເຂດຕາເວັນຕົກສຽງເໜືອ ໄດ້ຈັດກອງປະຊຸມຍ້ອງຍໍຊົມເຊີຍຜູ້ມີອິດທິພົນຊື່ສຽງໃນໝູ່ປະຊາຊົນເຜົ່າສ່ວນໜ້ອຍຢູ່ 5 ແຂວງເຂດພູດອຍທາງພາກເໜືອ ຄື: ອຽນບ໋າຍ, ຟຸ໋ທໍ້, ຮ່ວາບິ່ນ, ແທງຮ໋ວາ ແລະ ເງາະອານ. ດ້ວຍບົດບາດເປັນແກ່ນສານ, ຍາມໃດຜູ້ມີອິດທິຜົນຊື່ສຽງຢູ່ 5 ແຂວງເຂດພູດອຍທາງພາກເໜືອ ກໍຕັ້ງໜ້າສົມທົບກັບອຳນາດການປົກຄອງທ້ອງຖິ່ນໂຄສະນາບັນດາແຜນນະໂຍບານຂອງພັກ, ນະໂຍບາຍກົດໝາຍຂອງລັດ ເຖິງປະຊາຊົນທຸກຊັ້ນວັນນະ. ໃນຂົງເຂດພັດທະນາເສດຖະກິດສັງຄົມ, ລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ກໍ່ສ້າງຊົນນະບົດໃໝ່ ກໍມີຜູ້ມີອິດທິຜົນຊື່ສຽງຫຼາຍຄົນສ້າງເສດຖະກິດເກັ່ງ, ເປັນແບບຢ່າງເພື່ອໃຫ້ພໍ່ແມ່ປະຊາຊົນເຜົ່າສ່ວນໜ້ອຍຮໍ່າຮຽນ ແລະ ປະຕິບັດຕາມ. ເພື່ອສືບຕໍ່ເສີມຂະຫຍາຍບົດບາດຂອງຜູ້ມີອິດທິຜົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍໃນໄລຍະຈະມາເຖິງ, ທ່ານ ບຸຍແທງເຊີນ, ຮອງຫົວໜ້າຄະນະຊີ້ນຳເຂດຕາເວັນຕົກສຽງເໜືອໃຫ້ຮູ້ວ່າ.
“ບັນດາແຂວງເພີ່ມທະວີວຽກງານໂຄສະນາເພື່ອຍົກສູງສະຕິຮັບຮູ້ໃນທົ່ວສັງຄົມກ່ຽວກັບບົດບາດຂອງຜູ້ມີອິດທິຜົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍ, ສືບຕໍ່ບຳລຸງສ້າງ ເສີມຂະຫຍາຍບົດບາດຂອງຜູ້ມີອິດທິຜົນຊື່ສຽງໃນການພັດທະນາເສດຖະກິດສັງຄົມ. ຜູ້ມີອິດທິຜົນຊື່ສຽງຕ້ອງຕັ້ງໜ້າເຂົ້າຮ່ວມການຕິດຕາມກວດກາອຳນາດການປົກຄອງຂັ້ນຮາກຖານ ກ່ຽວກັບການປະຕິບັດນະໂຍບາຍຊົນເຜົ່າທີ່ມີຕໍ່ຊາວເຜົ່າສ່ວນໜ້ອຍ, ປະກອບຄຳເຫັນໃຫ້ຄະນະພັກ, ອຳນາດການປົກຄອງໃນການກໍ່ສ້າງພັກ, ອຳນາດການປົກຄອງໃຫ້ນັບມື້ນັບໝັ້ນຄົງເຂັ້ມແຂງ”.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸ໋ກ ປາດຖະໜາວ່າ ຜູ້ມີອິດທິຜົນຊື່ສຽງຢູ່ທ້ອງຖິ່ນສືບຕໍ່ເສີມຂະຫຍາຍບົດບາດຂອງຕົນ, ພ້ອມກັບປະຊາຊົນບັນດາເຜົ່າຕັ້ງໜ້າຜັນຂະຫຍາຍການຜະລິດ, ຫຼົບລ້າງຄວາມອຶດຫິວຫລຸດຜ່ອນຄວາມທຸກຍາກ...