(vovworld) - ຜູ້ມີອິດທິພົນຊື່ສຽງ 260 ຄົນໃນໝູ່ຊາວເຜົ່າສ່ວນໜ້ອຍ ທີ່ຕາງໜ້າໃຫ້ຜູ້ມີອິດທິພົນຊື່ສຽງໃນໝູ່ຊາວເຜົ່າສ່ວນໜ້ອຍ 9000 ຄົນ ໃນ 5 ແຂວງຄື: ກາວບັ່ງ, ບັກກ້ານ, ລ້າງເຊີນ, ຕວຽນກວາງ, ຮ່າຢາງ ແລະ ຜູ້ມີອິດທິພົນຊື່ສຽງໃນໝູ່ຊາວເຜົ່າສ່ວນໜ້ອຍຢູ່ເຂດຕາເວັນຕົກສຽງເໜືອຂອງຫວຽດນາມ ກວ່າ 28.000 ຄົນ. ໃນວັນທີ 27/05, ໄດ້ຮັບການຍ້ອງຍໍທີ່ກອງປະຊຸມຍ້ອງຍໍຜູ້ມີອິດທິພົນຊື່ສຽງໃນໝ່ຊາວເຜົ່າສ່ວນໜ້ອຍ ເຊິ່ງຈັດຂຶ້ນຢູ່ແຂວງ ກາວບັ່ງ, ນີ້ແມ່ນບັນດາແກ່ນສານໃນວຽກງານຮັກສາສະຖຽນລະພາບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມຢູ່ທ້ອງຖິ່ນ, ເພີ່ມທະວີກຸ່ມກ້ອນມະຫາສາມັກຄີທົ່ວປວງຊົນທັງຊາດ... ກ່າວຄຳເຫັນທີ່ກອງປະຊຸມ, ທ່ານ ຫງວຽນຊວນຟຸ໋ກ, ກຳມະການກົມການເມືອງ, ຮອງນາຍົກລັດຖະມົນຕີ, ຫົວໜ້າຄະນະຊີ້ນຳເຂດຕາເວັນຕົກສຽງເໜືອຂອງຫວຽດນາມ ຊີ້ແຈ້ງວ່າ.
“ພັກ, ລັດ ມີຄວາມເຂົ້າໃຈຕໍ່ຜູ້ມີຈິດໃຈຈົງຮັກພັກດີຕໍ່ພັກ, ຕໍ່ການປະຕິວັດ. ເຊິ່ງໃນຂະບວນການປະຕິວັດຢູ່ທາງທິດຕາເວັນຕົກສຽງເໜືອຂອງຫວຽດນາມ ເວົ້າສະເພາະ ແລະ ຢູ່ຫວຽດນາມ ຂອງພວກເຮົາເວົ້າລວມ, ຜູ້ມີອິດທິພົນຊື່ສຽງມີຄວາມໝາຍສຳຄັນຍິ່ງ ເພື່ອພັດທະນາມູນເຊື້ອປະຕິວັດ. ແຕ່ລະຄົນຕ່າງກໍ່ມີວິທີເຮັດວຽກ, ສຽງເວົ້າ, ຄວາມນຶກຄິດແຕກຕ່າງກັນ, ແຕ່ບັນດາວຽກງານເຫຼົ່ານັ້ນລ້ວນແຕ່ປະກອບສ່ວນໃຫ້ແກ່ຂະບວນການປະຕິວັດທີ່ໃຫຍ່ຫຼວງ”.