ຍ້ອງຍໍສັນລະເສີນຜູ້ມີ ຍົດຖາບັນດາສັກຍິງ, ແມ່ຂາວດີເດັ່ນ
(ພາບ: Phương Hoa/TTXVN )
(vovworld) –ຕອນເຊົ້າວັນທີ 10/10, ສະຫະພັນແມ່ຍິງຫວຽດນາມ ແລະ ຄະນະສາສະໜາລັດຖະບານໄດ້ສົມທົບກັນຈັດກອງປະຊຸມຍ້ອງຍໍສັນລະເສີນຜູ້ມີຍົດຖາບັນດາສັກຍິງ, ແມ່ຂາວດີເດັ່ນແມ່ນກຳມະການຄະນະບໍລິຫານງານສະຫະພັນແມ່ຍິງຫວຽດນາມ ຂັ້ນຕ່າງໆ.
ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີຫວຸ້ດຶກດາມ ຢືນຢັນວ່າ, ພາລະກິດຂອງປະເທດຊາດຫວຽດນາມ, ຂອງໂລກບໍ່ມີສະພາບການຄືໃນທຸກວັນນີ້ຖ້າບໍ່ມີແມ່ຍິງ. ຫວຽດນາມ ໄດ້ຮັບການຕີລາຄາຈາກໂລກວ່າ ແມ່ນປະເທດມີພື້ນຖານເສດຖະກິດ ສັງຄົມພັດທະນາໄວອັນດັບທີ 2 ໃນໂລກໃນຮອບ 20 ປີຜ່ານມາ, ສປຊ ຕີລາຄາວ່າຫວຽດນາມ ແມ່ນໜຶ່ງໃນບັນດາປະເທດປະຕິບັດບັນດາຈຸດໝາຍສະຫັດສະວັດເປັນຢ່າງດີທີ່ສຸດ. ບັນດາວຽກງານລະອຽດ, ແທດຈິງຂອງຜູ້ມີຍົດຖາບັນດາສັກຍິງ, ແມ່ຂາວເວົ້າສະເພາະ, ແມ່ຍິງເວົ້າລວມ ໄດ້ປະກອບສ່ວນສ້າງເປັນຜົນສຳເລັດລວມຂອງປະເທດຊາດ. ທ່ານຮອງນາຍົກລັດຖະມົນຕີຫວຸ້ດຶກດາມ ປາດຖະໜາວ່າ: ຄວາມຮັກແພງ, ຈິດໃຈ ແລະ ເຈດຈຳນົງດັ່ງກ່າວສືບຕໍ່ຂະຫຍາຍໃນທົ່ວສັງຄົມ ເພື່ອໃຫ້ຫວຽດນາມ ສືບຕໍ່ພັດທະນາ./.