(ທ່ານປະທານປະເທດ ເຈືອງເຕິ໋ນຊາງ
ເຮັດວຽກກັບຄະນະປະຈຳຄະນະພັກນະຄອນຮ່າໂນ້ຍ)
(vovworld) – ຍ້ອງຍໍແບບຢ່າງທີ່ດີ, ມີຫົວຄິດປະດິດສ້າງໃນການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ, ນັ້ນແມ່ນຄວາມເຫັນຊີ້ນຳຂອງທ່ານປະທານປະເທດ ເຈືອງເຕິ໋ນຊາງ ທີ່ການເຮັດວຽກກັບຄະນະປະຈຳຄະນະພັກນະຄອນຮ່າໂນ້ຍໃນວັນທີ 25/9, ກ່ຽວກັບເນື້ອໃນປະຕິບັດຂໍ້ຕົກລົງຂອງກົມການເມືອງ ໃນການກວດກາເລື່ອງການນຳຊີ້ນຳ ແລະ ຈັດຕັ້ງການປະຕິບັດມະຕິສູນກາງທີ 4 ຊຸດທີ 11 “ບາງບັນຫາຮີບດ່ວນກ່ຽວກັບການກໍ່ສ້າງພັກໃນປະຈຸບັນ“ ແລະ ຄຳສັ່ງ 03 “ສືບຕໍ່ຍູ້ແຮງການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ“. ທ່ານປະທານປະເທດ ເຈືອງເຕິ໋ນຊາງ ຖືວ່າ: ໃນການປະຕິບັດມະຕິສູນກາງທີ 4 ຊຸດທີ 11 ຄວນເອົາໃຈໃສ່ເປັນພິເສດເຖິງການຕຳນິຕິຊົມຕົນເອງ ແລະ ຕຳນິຕິຊົມເພື່ອນສະຫາຍ, ຕ້ອງຮັບຟັງຄວາມເຫັນຂອງປະຊາຊົນ, ຂອງອົງຄະນະພັກ ເພື່ອຊ່ວຍໃຫ້ວຽກງານນີ້ບັນລຸປະສິດທິຜົນສູງກວ່າ. ຜ່ານນັ້ນເສີມຂະຫຍາຍຈຸດດີ ແລະ ແກ້ໄຂສິ່ງທີ່ຂາດຕົກບົກຜ່ອງ. ຕິດພັນວຽກງານກໍ່ສ້າງພັກກັບວຽກງານປະຕິບັດໜ້າທີ່ການເມືອງ.
ກ່ຽວກັບການປະຕິບັດມະຕິ 03, ທ່ານປະທານຮຽກຮ້ອງໃຫ້ຮ່າໂນ້ຍ ກໍ່ຄືທ້ອງຖີ່ນຕ່າງໆແກ້ໄຂລັກສະນະຮູບການໃນວິວັດການປະຕິບັດ, ຄົ້ນພົບ, ຍ້ອງຍໍບັນດາຮູບແບບທີ່ດີ, ມີຫົວຄິດປະດິດສ້າງ, ຮຳ່ຮຽນແລະປະຕິບັດຄືແນວໃດໃຫ້ມີປະສິດທິຜົນ.