ແມ່ຍິງຊົນເຜົ່າ
(ພາບປະກອບຈາກ ອີນເຕີເນັດ)
(vovworld) - ເນື່ອງໃນໂອກາດສະເຫຼີມສະຫຼອງວັນວັດທະນະທຳບັນດາຊົນເຜົ່າ ຫວຽດນາມ (19/4), ວັນທີ 15/4, ສະຫະພັນແມ່ຍິງນະຄອນ ໂຮ່ຈີມິນ ໄດ້ຈັດຕັ້ງງານມະໂຫລານ “ຍ້ອງຍໍແມ່ຍິງຊົນເຜົ່າສ່ວນໜ້ອຍເປັນແບບຢ່າງທີ່ດີເດັ່ນ“ ຄັ້ງທີ 6, ດ້ວຍການເຂົ້າຮ່ວມຂອງຜູ້ແທນ 400 ຄົນທີ່ຕາງໜ້າໃຫ້ແມ່ຍິງຊາວເຜົ່າສ່ວນໜ້ອຍໃນບໍລິເວນນະຄອນ 53.600 ຄົນ. ງານມະໂຫລານໄດ້ດຳເນີນການເຄື່ອນໄຫວອັນຟົດຟື້ນຕ່າງໆເຊັ່ນ: ແນະນຳເຂົ້າໜົມພື້ນເມືອງຊະນິດຕ່າງໆຂອງບັນດາຊົນເຜົ່າ, ແລກປ່ຽນວັດທະນະທຳ ແລະ ແນະນຳວັດທະນະທຳທີ່ເປັນມູນເຊື້ອອັນດີງາມຂອງບັນດາເຜົ່າ, ພົບປະແລກປ່ຽນບັນດາແມ່ຍິງທີ່ເປັນແບບຢ່າງທີ່ດີເດັ່ນ. ພິເສດ, ງານມະໂຫາລານໄດ້ຍ້ອງຍໍແມ່ຍິງຊົນເຜົ່າສ່ວນໜ້ອຍ100 ຄົນທີ່ເປັນແບບຢ່າງທີ່ດີເດັ່ນໃນຂົງເຂດຕ່າງໆ. ງານມະໂຫລານຖືກຈັດຕັ້ງ 2ປີ/ເທື່ອໜຶ່ງ, ເພື່ອແນໃສ່ເຊີດຊູບັນດາພະນັກງານສະມາຄົມ, ແມ່ຍິງຊົນເຜົ່າສ່ວນໜ້ອຍທີ່ດີເດັ່ນໃນທຸກຂົງເຂດ, ພ້ອມທັງສ້າງໂອກາດເພື່ອໃຫ້ເອື້ອຍນ້ອງແມ່ຍິງຊົນເຜົ່າພົບປະແລກປ່ຽນ, ຮຳ່ຮຽນເອົາບົດຮຽນເຊິ່ງກັນ ແລະ ກັນ, ສ້າງຄວາມສະໜິດຕິດພັນລະຫວ່າງສະຫະພັນແມ່ຍິງ ແລະ ເອື້ອຍນ້ອງບັນດາເຜົ່າໃນບໍລິເວນນະຄອນ ເພື່ອພ້ອມກັນເສີມຂະຫຍາຍມູນເຊື້ອອັນດີງາມຂອງແມ່ຍິງຫວຽດນາມ.