ຄະນະຊີ້ນຳເຂດຕາເວັນຕົກພາກໃຕ້ອວຍພອນປີໃໝ່
ຢູ່ວັດKhmer MuniRensây ນະຄອນເກີເທີ
(ພາບ: Duy Khương/TTXVN)
(vovworld) - ວັນທີ 9/4, ຄະນະຊິ້ນຳເຂດຕາເວັນຕົກພາກໃຕ້ ພ້ອມກັບການນຳບັນດາພະແນກ, ຂະແໜງການນະຄອນ ເກີນເທີ ໄດ້ລົງຢ້ຽມຢາມ ແລະ ມອບຂອງຂວັນ ແລະ ອວຍພອນປີໃໝ່ພະນັກງານກິນເບ້ຍບຳນານຊາວຂະແມ, ສະມາຄົມສາມັກຄີພະສົງຮັກຊາດ, ວັດວາອາຮາມຂະແມຫຼາຍແຫ່ງ ແລະ ພໍ່ແມ່ປະຊາຊົນຊາວເຜົ່າຂະແມນະຄອນ ເກີນເທີ ເນື່ອງໃນໂອກາດບຸນປີໃໝ່ Chol Chnam Thmay. ທ່ານ ຫງວຽນຟອງກວາງ, ຮອງຫົວໜ້າຄະນະປະຈຳການຄະນະຊີ້ນຳເຂດຕາເວັນຕົກພາກໃຕ້, ໃຫ້ຮູ້ວ່າ: ໃນຊຸມປີຜ່ານມາ, ຍາມໃດພັກ, ລັດກໍ່ເອົາໃຈໃສ່, ເບິ່ງແຍງດູແລເຖິງຊີວິດການເປັນຢູ່ຂອງປະຊາຊົນຂະແມ, ພິເສດແມ່ນບັນດາຄອບຄົວທີ່ທຸກຍາກ ແລະ ຄອບຄົວໃກ້ຈະຕົກຢູ່ໃນມາດຖານທຸກຍາກ. ໃນໄລຍະຈະມາເຖິງ, ນອກຈາກບັນດານະໂຍບາຍຂອງພັກ, ລັດ, ຄະນະຊີ້ນຳເຂດຕາເວັນຕົກພາກໃຕ້ ຈະຫັນເປັນບັນຫາສັງຄົມ, ຮ້ຽກຮ້ອງນັກອຸປະຖຳສະຫງວນບັນດາໂຄງການບຳລຸງສ້າງວິຊາຊີບ, ນະໂຍບາຍໜູນຊ່ວຍ, ຊ່ວຍເຫຼືອບັນດາຄອບຄົວຊາວຂະແມທີ່ທຸກຍາກ ແລະ ຄອບຄົວໃກ້ຈະຕົກຢູ່ໃນມາດຖານທຸກຍາກນະຄອນ ເກີນເທີ ກໍ່ຄືເຂດຕາເວັນຕົກພາກໃຕ້.
ແລະກໍ່ໃນວັນດຽວກັນ, ຄະນະປະຕິບັດງານຂອງຄະນະຊີ້ນຳເຂດຕາເວັນຕົກພາກໃຕ້ ໂດຍທ່ານ ເຈິນຟີໂຫ, ຮອງຫົວໜ້າຄະນະຊີ້ນຳເຂດຕາເວັນຕົກພາກໃຕ້ ເປັນຫົວໜ້າຄະນະ, ໄດ້ລົງຢ້ຽມຢາມ, ມອບຂອງຂວັນໃຫ້ສະມາຄົມສາມັກຄີພະສົງຮັກຊາດແຂວງ ຊອກຈັງ ແລະ ວັດວາອາຮາມຂະແມຈຳນວນໜຶ່ງຢູ່ແຂວງ ຊອກຈັງ.