(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ, ວັນທີ 25/02, ຢູ່ເທດສະບານເມືອງ ອັດຕະປື, ທ່ານເລຂາທິການໃຫຍ່, ປະທານປະເທດລາວ ຈຸມມາລີ ໄຊຍະສອນ ໄດ້ໃຫ້ການຕ້ອນຮັບທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ, ປະທານຄະນະກຳມາທິການຮ່ວມມືຫວຽດນາມ - ລາວ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ, ຍາມໃດຫວຽດນາມ ກໍຖືເປັນສຳຄັນ ແລະ ໃຫ້ບຸລິມະສິດສູງສຸດແກ່ການປັບປຸງ ແລະ ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານກັບລາວ. ທ່ານຮອງນາຍົກລັດຖະມົນຕີຢືນຢັນວ່າ ຈະຊີ້ນຳບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຂອງຫວຽດນາມ ປະຕິບັດບັນດາຂໍ້ຕົກລົງກ່ຽວກັບການຮ່ວມມືດ້ານເສດຖະກິດ, ການສຶກສາບຳລຸງສ້າງ, ການປ້ອງກັນຊາດປ້ອງກັນຄວາມສະຫງົບກັບບັນດາກະຊວງ, ຂະແໜງການ ແລະ ທ້ອງຖິ່ນຂອງລາວ ຢ່າງຕັ້ງໜ້າ, ເພື່ອສ້າງການຫັນປ່ຽນຢ່າງເຫັນໄດ້ຊັດໃນການພົວພັນຮ່ວມມືລະຫວ່າງ 2 ປະເທດ ໂດຍສະເພາະແມ່ນໃນບັນດາຂົງເຂດເສດຖະກິດ, ການຄ້າ, ການລົງທຶນ ແລະ ສຶກສາບຳລຸງສ້າງ.
ແລະກໍໃນຕອນຄໍ່າວັນດຽວກັນ, ຢູ່ເທດສະບານເມືອງ ອັດຕະປື, ການນຳພັກ, ລັດຖະບານ 2 ປະເທດ ແລະ ລາວ ໄດ້ມີການພົບປະກັບບັນດານັກລົງທຶນຫວຽດນາມ ຢູ່ລາວ. ປະຈຸບັນ, ຫວຽດນາມ ມີ 222 ໂຄງການລົງທຶນຢູ່ລາວ ດ້ວຍຍອດຈຳນວນເງິນລົງທຶນປະມານ 3,8 ຕື້ USD.
ໃນຂອບເຂດການຢ້ຽມຢາມ ແລະ ເຮັດວຽກຢູ່ສປປລາວ, ຕອນເຊົ້າວັນທີ 26/02, ທ່ານຮອງນາຍົກລັດຖະມົນຕີ ຫງວຽນຊວງຟຸກ ໄດ້ເຂົ້າຮ່ວມພິທີເລີ່ມລົງມືກໍ່ສ້າງເຂດອະນຸສາວະລີເຈົ້າຊີວິດ ໄຊເສດຖາທິລາດ, ເຈົ້າຊີວິດທີ່ປີຊາສາມາດໃນປະຫວັດສາດຂອງຊາດລາວ ສະໄໝລາຊະອານາຈັກລ້ານຊ້າງທີ່ຈະເລີນຮຸ່ງເຮືອງໃນສະຕະວັດທີ 14. ນອກຈາກນັ້ນ, ເພີ່ມຍັງແມ່ນຜູ້ທີ່ມີຜົນງານໃນການສົ່ງເສີມ ແລະ ນຳໃຊ້ອັກສອນລາວປະຈຸບັນ ກໍຄືຕົກລົງຍ້າຍເມືອງຫຼວງຈາກກຸງເກົ່າຫຼວງພະບາງ ມາວຽງຈັນ.
ໂຄງການມີເນື້ອທີ 19.000 ຕາລາງແມດ, ດ້ວຍຍອດຈຳນວນເງິນລົງທຶນແມ່ນ 2,1 ລ້ານ USD, ເຊິ່ງແມ່ນຂອງຂວັນຂອງທະນາຄານລົງທຶນ ແລະ ພັດທະນາຫວຽດນາມ (BIDV) ແລະ ກຸ່ມບໍລິສັດ ຮ່ວາງແອງຢາລາຍ.