(ພາບ: TTXVN)
(vovworld)- ກ່າວຄຳເຫັນທີ່ການຕ້ອນຮັບທ່ານທູດພິເສດຂອງປະທານາທິບໍດີສີລັງກາ D.E.W Gunasekera ເນື່ອງໃນໂອກາດທ່ານມາຢ້ຽມຢາມຫວຽດນາມເມື່ອວັນທີ 23/1, ທ່ານປະທານປະເທດຫວຽດນາມ ເຈືອງເຕີນຊາງ ຖືວ່າ: ໃນດ້ານການເມືອງ ການທູດ, ສອງປະເທດບັນລຸໄດ້ໝາກຜົນທີ່ຈົບງາມ. ໃນດ້ານເສດຖະກິດການຄ້າ, ກະສິກຳ, ຫວຽດນາມ ແລະ ສີລັງກາ ຕ້ອງເພີ່ມທະວີ ແລະ ຍູ້ແຮງການຮ່ວມມືເພື່ອສົມກັບຄວາມສາມາດບົ່ມຊ້ອນ. ແບ່ງປັນບັນດາຄວາມຫຍຸ້ງຍາດ, ສິ່ງທ້າທາຍຊື່ງ ປຊຊ ສີລັງກາ ພວມຜ່ານຜ່າໃນສະພາບການປະຈຸບັນ, ທ່ານປະທານປະເທດຢືນຢັນວ່າ: ເພື່ອມີຄວາມເປັນເອກະລາດ, ເສລີພາບ, ຄວາມອີ່ມໜຳສຳລານ ແລະ ຄວາມຜາສຸກ, ປຊຊ ຫວຽດນາມ ນັບລ້ານຄົນຕ້ອງເສຍສະຫຼະຫຼາຍສິ່ງຫຼາຍຢ່າງ. ຍິ່ງກ່ວາເວລາໃດໝົດ, ຫວຽດນາມ ເຄົາລົບນັບຖື ແລະ ຍົກສູງບັນດາຄຸນຄ່າວັດທະນະທຳມະນຸດ, ສິດທິມະນຸດ. ທ່ານປະທານປະເທດເນັ້ນໜັກວ່າ: ບັນດາມາດຕະການຂວ້ຳບາດແມ່ນຫຼ້າຫຼັງແລ້ວ, ໄປຝືນກັບຄວາມປາດຖະໜາຢາກມີຄວາມອີ່ມໜຳສຳລານ ແລະ ຄວາມຜາສຸກຂອງ ປຊຊ ປະເທດຕ່າງໆ. ທ່ານຢືນຢັນວ່າ, ບັນດາທ່າອ່ຽງຮ່ວມມືເພື່ອພ້ອມກັນພັດທະນາແມ່ນທ່າອ່ຽງຕົ້ນຕໍໃນໄລຍະເຊື່ອມໂຍງເຂົ້າກັບໂລກໃນປະຈຸບັນ./.