ຍູ້ແຮງການຂົນຂວາຍຊາວ ຫວຽດນາມ ຊົມໃຊ້ສິນຄ້າ ຫວຽດນາມ
ທ່ານປະທານ ຫງວຽນທ້ຽນເຍີນ ກ່າວຄຳເຫັນທີ່ກອງປະຊຸມ
|
(vovworld) - ຕອນບ່າຍວັນທີ 10/4, ຢູ່ຮ່າໂນ້ຍ, ຄະນະຊີ້ນຳສູນກາງບັ້ນຂົນຂວາຍ “ຊາວ ຫວຽດນາມ ບຸລິມະສິດຊົມໃຊ້ສິນຄ້າ ຫວຽດນາມ” ໄດ້ຈັດຕັ້ງກອງປະຊຸມວຽກງານປີ 2017. ກ່າວຄຳເຫັນທີ່ກອງປະຊຸມ, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ, ຫົວໜ້າຄະນະຊີ້ນຳບັ້ນຂົນຂວາຍ, ເນັ້ນໜັກວ່າ ບັ້ນຂົນຂວາຍຊາວ ຫວຽດນາມ ຊົມໃຊ້ສິນຄ້າ ຫວຽດນາມ ໄດ້ກາວເຂົ້າສູ່ລວງເລິກ, ດຶງດູດຄວາມສົນໃຈ ແລະ ຕອບສະໜອງຂອງປະຊາຊົນ, ວິສາຫະກິດທ້ອງຖິ່ນ, ຜ່ານນັ້ນປະກອບສ່ວນເຂົ້າໃນຜົນງານລວມຂອງປະເທດຊາດ. ທ່ານ ຫງວຽນທ້ຽນເຍີນ ໄດ້ຊີ້ແຈ້ງຈຸດໝາຍບັ້ນຂົນຂວາຍ ແມ່ນຂົນຂວາຍຊາວ ຫວຽດນາມ ຊື້ສິນຄ້າ ຫວຽດນາມ. ສະນັ້ນ, ຄວາມຮັບຜິດຊອບຂອງວິສາຫະກິດແມ່ນເຮັດແນວໃດເພື່ອຜະລິດສິນຄ້າໃຫ້ດີ, ມີຄຸນນະພາບສູງ, ດ້ວຍລາຄາເໝາະສົມ. ທ່ານ ຫງວຽນທ້ຽນເຍີນ ໃສ່ໃຈວ່າຕ້ອງຜັນຂະຫຍາຍບັນດາໂຄງການຕ້ານການສໍ້ໂກງການຄ້າ ເພື່ອໃຫ້ສິນຄ້າ ຫວຽດນາມ ຖືກນຳໄປຊົມຢ່າງທົ່ວເຖິງ; ເພີ່ມທະວີວຽກງານຍ້ອງຍໍຊົມເຊີຍບັນດາວິສາຫະກິດມີຜະລິດຕະພັນໄດ້ຮັບການຕີລາຄາສູງຈາກຜູ້ໃຊ້ສອຍ.