ຍູ້ແຮງການປ້ອງກັນ,ຕ້ານຢາເສບຕິດແລະໜູນຊ່ວຍຜູ້ບຳບັດຢາເສບຕິດເຊື່ອມຕົວເຂົ້າກັບວົງຄະນະຍາດ
ການໂຄສະນາວິທີປ້ອງກັນ, ຕ້ານຢາເສບຕິດຢູ່ທ້ອງຖີ່ນ
(ພາບປະກອບ)
(vovworld) – ຕອນເຊົ້າວັນທີ 24/6, ຢູ່ຮ່າໂນ້ຍ, ກົມປ້ອງກັນ, ຕ້ານໄພສັງຄົມ (ກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ) ໄດ້ຈັດຕັ້ງງານໂຮມຊຸມນຸມຕອບສະໜອງວັນປ້ອງກັນ,ຕ້ານຢາເສບຕິດໂລກ (26/6) ດ້ວຍຫົວຂໍ້ວ່າ “ຍູ້ແຮງການປ້ອງກັນ, ຕ້ານຢາເສບຕິດ ແລະ ໜູນຊ່ວຍຜູ້ບຳບັດຢາເສບຕິດໃຫ້ເຊື່ອມຕົວເຂົ້າກັບວົງຄະນະຍາດ”. ທີ່ພິທີ, ທ່ານຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫງວຽນຈ້ອງດາມ ຊີ້ແຈ້ງວ່າ: ວຽກງານປ້ອງກັນ, ຕ້ານຢາເສບຕິດແມ່ນໜ້າທີ່ສັບສົນ ແລະ ຍາວນານ. ທ່ານຮອງລັດຖະມົນຕີ ຫງວຽນຈ້ອງດາມ, ໃຫ້ຮູ້ວ່າ:
“ເນື່ອງໃນໂອກາດເດືອນເຄື່ອນໄຫວປ້ອງກັນ, ຕ້ານຢາເສບຕິດ, ຂ້າພະເຈົ້າສະເໜີໃຫ້ທຸກຂັ້ນ, ພະນັກງານ, ປະຊາຊົນ, ນັກຮຽນ, ນັກສຶກສາທຸກຄົນປະຕິເສດຢາເສບຕິດ, ບໍ່ທົດລອງໃຊ້ຢາເສບຕິດ... ໂຄສະນາໃຫ້ສະມາຊິກໃນຄອບຄົວ, ເພື່ອນມິດ, ເພື່ອນຮ່ວມງານ ແລະ ປະຊາຊົນທຸກຊັ້ນວັນນະຢູ່ບ່ອນອາໄສກ່ຽວກັບຜົນຮ້າຍຂອງຢາເສດຕິດ ແລະ ວິທີປ້ອງກັນ, ຕັດສິນໃຈສ້າງຕາແສງ, ເທດສະບານເມືອງ, ອົງການ, ຫົວໜ່ວຍ, ໂຮງຮຽນຂອງຕົນໃຫ້ປອດໃສ, ບໍ່ມີຢາເສບຕິດ, ບໍ່ມີຜູ້ເສບຢາເສບຕິດ”