ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ
ຕ້ອນຮັບທ່ານ Ichiro Aisawa
(ພາບ: VGP/DinhNam)
(vovworld) – ຕອນບ່າຍວັນທີ 15/12 ທີ່ການຕ້ອນຮັບທ່ານຫົວໜ້າກຳມາທິການນະໂຍບາຍພື້ນຖານແຫ່ງຊາດ (ສະພາຕ່ຳ ຍີ່ປຸ່ນ) Ichiro Aisawa. ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ເນັ້ນໜັກວ່າ: ໃນໄລຍະຜ່ານມາການພົວພັນຄູ່ຮ່ວມມືຍຸດທະສາດ ຫວຽດນາມ - ຍີ່ປຸ່ນ ສືບຕໍ່ພັດທະນາຢ່າງວ່ອງໄວ, ກະໂດດຂັ້ນໃນທຸກຂົງເຂດຢ່າງເລິກເຊິ່ງ ກ້ວາງຂວາງ. ຍີ່ປຸ່ນ ແມ່ນຄູ່ຮ່ວມມືສຳຄັນແຖວໜ້າ ແລະ ຍາວນານຂອງ ຫວຽດນາມ. ຫວຽດນາມ ຖືເປັນສຳຄັນທີ່ສຸດ ແລະ ປາດຖະໜາຢາກເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ເຮັດໃຫ້ການພົວພັນມິດຕະພາບ ແລະ ການຮ່ວມມືຮອບດ້ານກັບ ຍີ່ປຸ່ນໃຫ້ເລິກເຊິ່ງກ່ວາອີກຢ່າງບໍ່ຢຸດຢັ້ງ. ທ່ານຮອງນາຍົກລັດຖະມົນຕີ ຫວູດຶກດາມ ສະເໜີຕໍ່ທ່ານ Ichiro Aisawa ສືບຕໍ່ເອົາໃຈໃສ່ ແລະ ຕັ້ງໜ້າຂົນຂວາຍ ເພື່ອໃຫ້ສະພາແຫ່ງຊາດ ຍີ່ປຸ່ນ ສືບຕໍ່ຮັກສາ ODA ຢູ່ໃນລະດັບສູງ ເພື່ອຊ່ວຍເຫຼືອ ຫວຽດນາມ ພັດທະນາແບບຍືນຍົງ. ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນໜັກວ່າ: ການຍົກສູງຄຸນນະພາບດ້ານສາທາລະນະສຸກແມ່ນບັນຫາທີ່ ຫວຽດນາມ ສົນໃຈ; ພ້ອມທັງ ປາດຖະໜາວ່າ: ໃນໄລຍະຈະມາເຖິງຈະນັບມື້ນັບມີພະຍາບານຫລາຍຄົນຂອງ ຫວຽດນາມ ໄປຍັງ ຍີ່ປຸ່ນ ເພື່ອບຳລຸງສ້າງ ແລະ ເຮັດວຽກໃນຂອບເຂດສັນຍາຄູ່ຮ່ວມມືເສດຖະກິດ ຫວຽດນາມ - ຍີ່ປຸ່ນ (EPA). ທ່ານຮອງນາຍົກລັດຖະມົນຕີ ຫວູດຶກດາມ ກໍຢືນຢັນວ່າ: ລັດຖະບານ ຫວຽດນາມ ຈະສືບຕໍ່ມານະພະຍາຍາມສ້າງສະພາບແວດລ້ອມທີ່ສະດວກ ເພື່ອໃຫ້ບັນດາບໍລິສັດ ຍີ່ປຸ່ນ ມາລົງທຶນ, ດຳເນີນທຸລະກິດຢູ່ ຫວຽດນາມ ກ່ວາອີກ.