( vovworld ) - ຄະນະກຳມະການປະຊາຊົນແຂວງກວາງບິ່ງ ໄດ້ສົມທົບກັບ 3 ແຂວງຄື; ຄຳມວນ, ຈຳປາສັກ ແລະ ແຂວງສະຫວັນນະເຂດຂອງ ສປປລາວ ໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ - ລາວ ຂຶ້ນໃນຕອນບ່າຍວັນທີ 17/6, ຢູ່ນະຄອນດົງເຮື໋ຍ, ແຂວງກວາງບິ່ງ. ທ່ານ Luong Ngoc Binh, ກຳມະການສູນກາງພັກ, ເລຂາຄະນະພັກແຂວງ, ປະທານສະພາປະຊາຊົນແຂວງກວາງບິ່ງ ຊີ້ແຈ້ງສາຍພົວພັນມິດຕະພາບ ການຮ່ວມມືຫວຽດນາມ - ລາວ ແມ່ນປະກົດການດີງາມຂອງສາຍພົວພັນມິດຕະພາບອັນດີງາມທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງຫວຽດນາມ - ລາວ. ນີ້ກໍແມ່ນໂອກາດເພື່ອໃຫ້ສອງປະເທດພ້ອມກັນຫວນຄືນມູນເຊື້ອຮ່ວມສຳພັນທະມິດສູ້ຮົບພິເສດ, ການສະໜັບສະໜູນ, ຊ່ວຍເຫຼືອເຊິ່ງກັນ ແລະ ກັນລະຫວ່າງສອງພັກ, ລັດຖະບານ ແລະ ປະຊາຊົນສອງປະເທດເວົ້າລວມ ແລະ ລະຫວ່າງແຂວງກວາງບິ່ງ ກັບບັນດາແຂວງຂອງ ສປປລາວ ເວົ້າສະເພາະ. ທ່ານ Luong Ngoc Binh ໄດ້ຢືນຢັນວ່າ.
“ນັບແຕ່ເມື່ອລັດຖະບານສອງປະເທດເຫັນດີເຊັນສົນທິສັນຍາມິດຕະພາບ ແລະ ການຮ່ວມມືໃນວັນທີ 18/7/1977, ສາຍພົວພັນສັດຊື່ບໍ່ລິສຸດຜຸດຜ່ອງລະຫວ່າງປະຊາຊົນສອງປະເທດ ໄດ້ຫຼໍ່ຫຼອມກາຍເປັນເຈດຈຳນົງ, ຄວາມຕັດສິນໃຈຂອງພວກເຮົາ, ສ້າງເປັນພື້ນຖານທີ່ເຂັ້ມແຂງບົນໄລຍະທາງໃໝ່, ປະຊາຊົນສອງປະເທດເວົ້າລວມ, ແຂວງກວາງບິ່ງ ກັບບັນດາແຂວງຄຳມວນ, ສະຫວັນນະເຂດ, ຈຳປາສັກ ເວົ້າສະເພາະ ສືບຕໍ່ຮຽງບ່າຮຽງໄຫຼ່ຊ່ວຍເຫຼືອກັນ ເພື່ອຍູ້ແຮງພາລະກິດສ້າງສາພັດທະນາຢູ່ແຕ່ລະແຂວງ”.