ພາບປະກອບ
(vovworld) - ໂດຍໄດ້ຮັບຄຳເຊີນຈາກກະຊວງສຶກສາທິການ ແລະ ກິລາ ລາວ, ຄະນະປະຕິບັດງານກະຊວງສຶກສາ ແລະ ບຳລຸງສ້າງ ຫວຽດນາມ ໂດຍຮອງສາດສະດາຈານ, ດຣ ເຈີ່ນກວາງກີ໋, ຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ນຳໜ້າ ໄດ້ໄປຢ້ຽມຢາມ ແລະ ເຮັດວຽກຢູ່ລາວແຕ່ວັນທີ 3 ຮອດວັນທີ 6/4.
ຕອນເຊົ້າວັນທີ 4/4, ທ່ານຮອງລັດຖະມົນຕີກະຊວງສຶກສາ ແລະ ກິລາ ລາວ ກອງສີ ແສງມະນີ ໄດ້ມີການພົບປະກັບທ່ານຮອງລັດຖະມົນຕີ ເຈີ່ນກວາງກີ໋. 2 ຝ່າຍໄດ້ແລກປ່ຽນ ແລະ ຕີລາຄາຄືນບັນດາການຮ່ວມມືດ້ານການສຶກສາ ແລະ ບຳລຸງສ້າງລະຫວ່າງ 2 ປະເທດໃນໄລຍະຜ່ານມາ. ຮອງລັດຖະມົນຕີກະຊວງສຶກສາທິການ ແລະ ກິລາ ລາວ ໄດ້ສະແດງຄວາມປາດຖະໜາຢາກໃຫ້ 2 ຝ່າຍສືບຕໍ່ເພີ່ມທະວີການຮ່ວມມຶໃນຂົງເຂດສຶກສາ ເພື່ອຍົກສູງຄຸນນະພາບການບຳລຸງສ້າງນັກຮຽນ, ນັກສຶກສາລາວ ທີ່ພວມຮຳ່ຮຽນຢູ່ ຫວຽດນາມ ກໍ່ຄືນັກຮຽນ, ນັກສຶກສາຫວຽດນາມ ພວມຮຳ່ຮຽນຢູ່ ລາວ.
ທີ່ການເຈລະຈາ, ທ່ານຮອງລັດຖະມົນຕີກະຊວງສຶກສາ ແລະ ບຳລຸງສ້າງ ຫວຽດນາມ ເຈີ່ນກວາງກີ໋ ເນັ້ນໜັກວ່າ: ຫວຽດນາມ ໃຫ້ຄຳໝັ້ນສັນຍາຈະສືບຕໍ່ສະໜັບສະໜູນ ແລະ ໜູນຊ່ວຍ ລາວ ຍົກສູງຄຸນນະພາບການບຳລຸງສ້າງຂັ້ນຮຽນຕ່າງໆ ໃນນັ້ນພິເສດແມ່ນບຳລຸງສ້າງ ປະລິຍາເອກ ແລະ ປະລິຍາໂທ ເພື່ອສາມາດຕອບສະໜອງຄວາມຮຽກຮ້ອງ ຕ້ອງການໃນການພັດທະນາຂອງລາວ ໃນສະພາບການໃໝ່.