(vovworld) - ຕອນຄ່ຳວັນທີ 10/11, ຢູ່ນະຄອນຫຼວງ Bratislvava (ປະເທດ Slovakia), ທະນາຄານການຄ້າຫຸ້ນສ່ວນລົງທຶນ ແລະ ພັດທະນາ ຫວຽດນາມ (BIDV) ແລະ ທະນາຄານສົ່ງອອກນຳເຂົ້າ Slovakia (Eximbanka SR) ໄດ້ເຊັນບົດບັນທຶກຊ່ວຍຈຳກ່ຽວກັບການອຸປະຖຳສິນເຊື່ອໃຫ້ແກ່ໂຄງການກໍ່ສ້າງສາງ ແລະ ລະບົບທໍ່ສົ່ງແອດຊັງ, ກະຊວນ ຈາກທ່າ ຮ່ອນລາ, ແຂວງ ກວາງບີ່ງ (ຫວຽດນາມ) ເຖິງແຂວງ ຄຳມ່ວນຂອງລາວ. ນີ້ແມ່ນໂຄງການມີເງິນລົງທຶນ 100% ຂອງລາວດ້ວຍຍອດເງິນລົງທຶນຄາດວ່າແມ່ນ 200 ລ້ານ USD ແລະ ໂດຍບໍລິສັດ Petro ລາວ ປະຕິບັດ, ໃນນັ້ນ, BIDV ແມ່ນຫົວໜ່ວຍໃຫ້ຄຳປຶກສາໃຫ້ Petro ລາວ, Eximbanka SR ແມ່ນຂອດລະດົມ 85% ຍອດຈຳນວນທຶນທັງໝົດຂອງໂຄງການຈາກບັນດາອົງການການເງິນມີອິດທິພົນຊື່ສຽງຢູ່ ເອີລົບ ເພື່ອລົງທຶນເຂົ້າໂຄງການນີ້.
ແລະກໍ່ໃນວັນດຽວກັນ, ຢູ່ Bratislvava, ໄດ້ຈັດຕັ້ງເວທີປາໄສການຄ້າ Slovakia -ລາວ - ຫວຽດນາມ. ຜູ້ຕາງໜ້າຝ່າຍ Slovakia ແລະ ລາວ ໄດ້ໂຄສະນາເຜີຍແຜ່ທ່າແຮງຂອງຕົນເພື່ອແນໃສ່ດຶງດູດການລົງທຶນຈາກຕ່າງປະເທດ. ສ່ວນຝ່າຍ ຫວຽດນາມ, ທ່ານປະທານສະພາບໍລິຫານ BIDV ແນະນຳກ່ຽວກັບຄວາມສາມາດບົ່ມຊ້ອນດ້ານເສດຖະກິດ ຫວຽດນາມ ແລະ ການພົວພັນຮ່ວມມື ຫວຽດນາມ - Slovakia, ຫວຽດນາມ - ລາວ.