ຍູ້ແຮງການຮ່ວມສຳພັນ, ພັດທະນາຈາກບັນດາກຸ່ມຄອບຄົວ ແລະ ບັນດາສະຫະກອນ
ຮອງນາຍົກລັດຖະມົນຕີວູ້ວັນນິງລົງສຳຫຼວດສະພາບຕົວຈິງ |
(vovworld)- ຍູ້ແຮງການຮ່ວມສຳພັນ, ພັດທະນາຈາກບັນດາກຸ່ມຄອບຄົວ ແລະ ບັນດາສະຫະກອນ ກາຍເປັນຮູບແບບສະຫະກອນແບບໃໝ່. ນີ້ແມ່ນຄຳຊີ້ນຳຂອງທ່ານຮອງນາຍົກລັດຖະມົນຕີຫວຽດນາມ ວູ້ວັນນິງ, ຫົວໜ້າຄະນະຊີ້ນຳສູນກາງກ່ຽວກັບໂຄງການເປົ້າໝາຍແຫ່ງຊາດ ກໍ່ສ້າງຊົນນະບົດໃໝ່ ເມື່ອລົງໄປສຳຫຼວດ ກວດກາສະພາບການປະຕິບັດໂຄງການເປົ້າໝາຍແຫ່ງຊາດ ກໍ່ສ້າງຊົນນະບົດໃໝ່ ຢູ່ຕາແສງ ດົງຢາ ເມືອງ ກິມແທ່ງ, ແຂວງ ຫາຍເຢືອງໃນຕອນເຊົ້າວັນທີ 10/7. ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີຫວຽດນາມ ວູ້ວັນນິງຊີ້ແຈ້ງວ່າ ການຮ່ວມສຳພັນ, ພັດທະນາຈາກບັນດາກຸ່ມຄອບຄົວ ແລະ ບັນດາສະຫະກອນ ກາຍເປັນຮູບແບບສະຫະກອນແບບໃໝ່ເພື່ອສ້າງຮູບແບບການຜະລິດລວມສູນ, ທັງສາມາດສົມທົບແຫຼ່ງກຳລັງແຮງງານ, ທັງສາມາດນຳໃຊ້ວິທະຍາສາດ, ເຕັກນິກທີ່ກ້າວໜ້າເຂົ້າໃນການຜະລິດ, ທັງນີ້ກໍແມ່ນເພື່ອຫຼຸດຜ່ອນຄວາມທຸກຍາກ ແລະ ຮັບປະກັນການດຳລົງຊີວິດໃຫ້ປະຊາຊົນ.