ຍູ້ແຮງພັດທະນາອຸດສາຫະກຳການຢາຫວຽດນາມໃຫ້ກາຍເປັນຂະແໜງປາຍແຫຼມ
(ສືບຕໍ່ວາລະປະຊຸມເທື່ອທີ 45)
(vovworld) - ໂດຍສືບຕໍ່ວາລະປະຊຸມເທື່ອທີ 45, ຕອນເຊົ້າວັນທີ 23/02, ຄະນະປະຈຳສະພາແຫ່ງຊາດ ຫວຽດນາມ ໃຫ້ຄຳເຫັນກ່ຽວກັບຮ່າງບົດລາຍງານອະພິປາຍ, ຮັບເອົາຄຳເຫັນໃສ່ຂອງຮ່າງກົດໝາຍວ່າດ້ວຍການຢາ (ສະບັບປັບປຸງ). ຜ່ານການປຶກສາຫາລື, ບັນດາສະມາຊິກສະພາແຫ່ງຊາດໄດ້ເຫັນດີເປັນເອກະສັນຕໍ່ຫລາຍເນື້ອໃນທີ່ໄດ້ຮັບຟັງ, ປັບປຸງ, ທີ່ກ່ຽວຂ້ອງເຖິງຂໍ້ກຳນົດກ່ຽວກັບການອອກໜັງສືດຳເນີນອາຊີບການຢາ. ບັນດາສະມາຊິກກໍ່ຖືວ່າ: ເລື່ອງກຳນົດທິດພັດທະນາທົ່ວຂະແໜງອຸດສາຫະກການຢາຳຢູ່ ຫວຽດນາມ ໃຫ້ກາຍເປັນຂະແໜງອຸດສາຫະກຳປາຍແຫຼມ ແມ່ນກຳນົດທິດອັນຍາວນານ. ໃນໄລຍະຈະມາເຖິງ, ຮ່າງກົດໝາຍຄວນກຳນົດສືບຕໍ່ບຸລິມະສິດພັດທະນາອຸດສາຫະກຳການຢາ ແລະ ສຸມໃສ່ພັດທະນາຂະແໜງອຸດສາຫະກຳປຸງແຕ່ງຜະລິດ ຢາ, ຢາພື້ນເມືອງ, ນັ້ນແມ່ນທ່າແຮງທີ່ມີຢູ່ແລ້ວຂອງ ຫວຽດນາມ.
ແລະກໍ່ໃນຕອນເຊົ້າວັນດຽວກັນ, ຄະນະປະຈຳສະພາແຫ່ງຊາດ ໃຫ້ຄຳເຫັນກ່ຽວກັບຮ່າງມະຕິກ່ຽວກັບໂຄງປະກອບ, ການຈັດຕັ້ງພາລະໜ້າທີ່ຂອງກຳມາທິການແກ້ໄຂຄຳຮ້ອງຂອງປະຊາຊົນ.