ຍູ້ແຮງລະດັບຄວາມຄືບໜ້າໃນການສືບສວນພິພາກສາບັນດາຄະດີສໍ້ລາດບັງຫຼວງ
ກອງປະຊຸມຜູ້ປະຈຳການຄະນະຊີ້ນຳສູນກາງ
ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ
(ພາບ: TTXVN)
(vovworld) - ກອງປະຊຸມຜູ້ປະຈຳການຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ຖືກດຳເນີນໃນຕອນເຊົ້າວັນທີ 17/04, ຢູ່ຮ່າໂນ້ຍ. ທ່ານເລຂາທິການໃຫຍ່ຄະນະບໍລິການງານສູນກາງພັກກອມມູນິດຫວຽດນາມ, ຫົວໜ້າຄະນະຊີ້ນຳສູນກາງກ່ຽວກັບການປ້ອງກັນ, ຕ້ານການສໍ້ລາດບັງຫຼວງ ຫງວຽນຟຸຈ້ອງ ເປັນປະທານກອງປະຊຸມ. ທີ່ກອງປະຊຸມ, ບັນດາຜູ້ແທນໄດ້ໃຫ້ຄຳເຫັນກ່ຽວກັບລະດັບຄວາມຄືບໜ້າ, ໝາກຜົນ, ຄວາມຫຍຸ້ງຍາກ, ສິ່ງທີ່ຄ້າງຄາໃນວຽກງານຢັ້ງຢືນ, ສືບສວນ, ຟ້ອງສານສຳລັບບັນດາກໍລະນີ, ຄະດີຂຶ້ນກັບຄະນະຊີ້ນຳການຕິດຕາມ, ຊີ້ນຳ; ແຜນການກວດກາ, ຕິດຕາມກວດກາບັນດາກໍລະນີ, ເປີນການສືບສວນສອບສວນດຳເນີນຄະດີ, ພິພາກສາບັນດາຄະດີສໍ້ລາດບັງຫຼວງ.
ກ່າວຄຳເຫັນສະຫຼຸບກອງປະຊຸມ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ຊົມເຊີຍອົງຄະນະພັກຕຳຫຼວດສູນກາງ, ຄະນະຮັບຜິດຊອບວຽກງານພັກອົງການໄອຍະການປະຊາຊົນສູງສຸດ, ຄະນະຮັບຜິດຊອບວຽກງານພັກສານປະຊາຊົນສູງສຸດ ໄດ້ສົມທົບກັບຄະນະປະຕິບັດວຽກງານພາຍໃນການເມືອງ ຢ່າງແໜ້ນແຟ້ນຊີ້ນຳບັນດາອົງການດຳເນີນຄະດີ, ຍູ້ແຮງຄວາມຄືບໜ້າໃນການສືບສວນ, ຟ້ອງສານບັນດາຄະດີເສດຖະກິດສໍ້ລາດບັງຫຼວງທີ່ຮ້າຍແຮງ, ສັບສົມ. ທ່ານເລຂາທິການໃຫຍ່ ຮຽກຮ້ອງໃຫ້ບັນດາອົງການທີ່ມີໜ້າທີ່ສືບຕໍ່ມານະພະຍາຍາມເປັນເຈົ້າການແກ້ໄຂຂໍ້ຕິດຄັດ, ຍູ້ແຮງລະດັບຄວາມຄືບໜ້າໃນການພິພາກສາບັນດາຄະດີສໍ້ລາດບັງຫຼວງ.