ທ່ານຮອງນາຍົກລັດຖະມົນຕີ ຫງວຽນຊວນຟູກ
(vovworld) - ຕອນເຊົ້າວັນທີ 4/8, ຢູ່ແຂວງ ຕວຽນກວາງ, ຄະນະຊີ້ນຳເຂດຕາເວັນຕົກສຽງເໜືອ ຈັດຕັ້ງກອງປະຊຸມຮັບປະກັນຄວາມເປັນລະບຽບຮຽບຮ້ອຍຢູ່ບາງແຂວງເຂດພູພຽງ ແລະ ພູດອຍທາງພາກເໜືອປີ 2015. ທ່ານຮອງນາຍົກລັດຖະມົນຕີ ຫງວຽນຊວນຟູກ, ຫົວໜ້າຄະນະຊີ້ນຳເຂດຕາເວັນຕົກສຽງເໜືອ ເປັນປະທານກອງປະຊຸມ. ທີ່ກອງປະຊຸມ, ບັນດາຜູ້ແທນຖືວ່າ: ເຖິງວ່າຍັງປະສົບກັບຄວາມຫຍຸ້ງຍາກຫລາຍຢ່າງກໍ່ຕາມ, ແຕ່ດ້ວຍຄວາມມານະພະຍາຍາມຂອງອຳນາດການປົກຄອງ ແລະ ປະຊາຊົນບັນດາເຜົ່າໃນເຂດ, ວຽກງານຮັບປະກັນຄວາມເປັນລະບຽບຮຽບຮ້ອຍຢູ່ເຂດຕາເວັນຕົກສຽງເໜືອ ບັນລຸໄດ້ບັນດາໝາກຜົນທີ່ສຳຄັນ. ຄວາມໝັ້ນຄົງດ້ານການເມືອງໄດ້ຮັກສາໄວ້, ຄວາມເປັນລະບຽບຮຽບຮ້ອຍທາງສັງຄົມມີສະຖຽນລະພາບໂດຍພື້ນຖານ, ສະກັດກັ້ນການເຄື່ອນໄຫວມ້າງ ທຳລາຍຂອງອິດທິກຳລັງທີ່ເປັນປໍລະປັນ ແລະ ພວກບໍ່ດີ, ຄວບຄຸມການເຄື່ອນໄຫວອາດຊະຍາກຳກ່ຽວກັບຢາເສບຕິດ, ການຄ້າມະນຸດ. ບັນດາຜູ້ແທນກໍຖືວ່າ: ຕ້ອງຍູ້ແຮງວຽກງານຄຸ້ມຄອງລັດກ່ຽວກັບການປ້ອງກັນຊາດ, ປ້ອງກັນຄວາມສະຫງົບໃນບໍລິເວນເຂດ, ດ້ວຍການສຸມໃສ່ຕໍ່ສູ້ກັບບັນດາການເຄື່ອນໄຫວໂຄສະນາຂອງອົງການຜິດກົດໝາຍ, ເປັນເຈົ້າການບຸກໂຈມຕີອາດຊະຍາກອນ,ບໍ່ປະໃຫ້ພວກບໍ່ດີສວຍໃຊ້ແບ່ງແຍກກຸ່ມກ້ອນມະຫາສາມັກຄີບັນດາເຜົ່າ. ພ້ອມທັງ ເອົາໃຈໃສ່ເຖິງຄວາມຮຽກຮ້ອງຕ້ອງການອັນຊອບທຳກ່ຽວກັບວັດທະນະທຳ, ການເຊື່ອຖືສາສະໜາຂອງຊົນເຜົ່າສ່ວນໜ້ອຍ, ຕິດພັນກັບການກໍ່ສ້າງຊົນນະບົດໃໝ່ຢູ່ທ້ອງຖິ່ນ.