ຍູ້ແຮງວຽກງານໂຄສະນາເຜີຍແຜ່,ຂົນຂວາຍເຂດຊົນເຜົ່າສ່ວນໜ້ອຍ,ເຂດພູດອຍ, ຊາຍແດນ,ໝູ່ເກາະ
ທີ່ກອງປະຊຸມສຳມະນາຍູ້ແຮງວຽກງານໂຄສະນາເຜີຍແຜ່, ຂົນ
ຂວາຍເຂດຊົນເຜົ່າສ່ວນໜ້ອຍ,ເຂດພູດອຍ,ຊາຍແດນ, ໝູ່ເກາະ
(ພາບ: cema.gov.vn)
(vovworld) – ກອງປະຊຸມສຳມະນາປະກອບຄຳເຫັນໃສ່ແຜນຮ່າງ “ຍູ້ແຮງວຽກງານໂຄສະນາເຜີຍແຜ່, ຂົນຂວາຍເຂດຊົນເຜົ່າສ່ວນໜ້ອຍ, ເຂດພູດອຍ, ຊາຍແດນ, ໝູ່ເກາະໄລຍະ 2016-2020” ໄດ້ດຳເນີນໃນຕອນເຊົ້າວັນທີ 12/5, ຢູ່ ຮ່າໂນ້ຍ, ນະທີ່ນີ້, ບັນດາຜູ້ແທນຢືນຢັນວ່າ: ວຽກງານໂຄສະນາເຜີຍແຜ່, ຂົນຂວາຍພໍ່ແມ່ປະຊາຊົນບັນດາເຜົ່າສ່ວນໜ້ອຍ ແລະ ເຂດພູດອຍ, ຊາຍແດນ, ໝູ່ເກາະ ແມ່ນໜ້າທີ່ລວມຂອງລະບົບການເມືອງ. ຈຸດປະສົງແມ່ນເຮັດໃຫ້ພໍ່ແມ່ປະຊາຊົນເຂົ້າໃຈຢ່າງຖືກຕ້ອງ ແລະ ມີຄວາມ ຕື່ນຕົວໃນການປະຕິບັດບັນດາແຜນນະໂຍບາຍ, ນະໂຍບາຍຂອງພັກ, ກົດໝາຍຂອງລັດເປັນຢ່າງດີ; ພັດທະນາຮອບດ້ານກ່ຽວກັບເສດຖະກິດ, ການເມືອງ, ວັດທະນະທຳ, ສັງຄົມ, ການປ້ອງກັນຊາດ, ປ້ອງກັນຄວາມສະຫງົບຢູ່ເຂດພູດອຍ ແລະ ເຂດຊົນເຜົ່າສ່ວນໜ້ອຍ. ບັນດາການເຄື່ອນໄຫວໂຄສະນາເຜີຍແຜ່, ຂົນຂວາຍມຸ່ງໄປສູ່ ຮາກຖານຢ່າງແຮງ, ມີຜົນສະທ້ອນແຮງເຖິງການປະຕິບັດບັນດານະໂຍບາຍ ເພື່ອແນໃສ່ພັດທະນາເສດຖະກິດ-ສັງຄົມ; ຮັບປະກັນປ້ອງກັນຊາດ, ປ້ອງກັນຄວາມສະຫງົບ; ຮັກສາຄວາມເປັນລະບຽບຮຽບຮ້ອຍທາງສັງຄົມ; ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳທີ່ເປັນມູນເຊື້ອອັນດີງາມຂອງບັນດາເຜົ່າສ່ວນໜ້ອຍ; ຕໍ່ສູ້, ຍູ້ຫຼັງບັນດາປະເພນີທີ່ຫຼ້າຫຼັງໃຫ້ຖອຍໄປ; ກໍ່ສ້າງຊົນນະບົດໃໝ່ ແລະ ປະຕິບັດຄາດໝາຍສະຫັດສະວັດຂອງສະຫະປະຊາຊາດ ກ່ຽວກັບການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ.