ທ່ານນາຍົກລັດຖະມົນຕີ ຫງວຽນເຕີນຢູງ
photo:baocongthuong.com.vn
|
(vovworld)- ວັນທີ 23/8, ເມື່ອສະຫລຸບກອງປະຊຸມກ່ຽວກັບການສ້າງໂຄງປະກອບລັດວິສາຫະກິດຄືນໃຫມ່, ທ່ານນາຍົກລັດຖະມົນຕີ ຫງວຽນເຕີນຢູງ ຊີ້ແຈງວ່າ: ບັນດາກະຊວງ, ຂະແຫນງການ, ທ້ອງຖິ່ນ, ກຸ່ມວິສາຫະກິດ, ບໍລິສັດໃຫຍ່ແຫ່ງລັດ ຄວນສຸມໃສ່ຊີ້ນຳການຍູ້ແຮງການຜະລິດດຳເນີນທຸລະກິດ ເພື່ອບັນລຸ, ລື່ນກາຍຄາດໝາຍທີ່ວາງອອກຂອງປີ 2014 ພ້ອມທັງ ສ້າງໂຄງປະກອບວິສາຫະກິດຢ່າງຮອບດ້ານ. ທ່ານນາຍົກລັດຖະມົນຕີ ສະເຫນີບັນດາກະຊວງ, ທ້ອງຖິ່ນ, ກຸ່ມວິສາຫະກິດ, ບໍລິສັດໃຫຍ່ແຫ່ງລັດ ຕ້ອງຕິດຕາມຢ່າງໃກ້ຊິດແຜນຮ່າງສ້າງໂຄງປະກອບວິສາຫະກິດຄືນໃຫມ່, ວິທີການສັບຊ້ອນລັດວິສາຫະກິດຊື່ງທ່ານນາຍົກລັດຖະມົນຕີໄດ້ເຊັນອະນຸມັດ, ຊີ້ນຳຢ່າງຂ້ຽວຂາດ. ໃນ 7 ເດືອນຜ່ານມາ, ບັນດາກະຊວງ, ຂະແຫນງການ, ທ້ອງຖິ່ນ ແລະ ວິສາຫະກິດ ໄດ້ປະຕິບັດມະຕິຂອງພັກ, ສະພາແຫ່ງຊາດ ແລະ ການຊີ້ນຳຂອງທ່ານນາຍົກລັດຖະມົນຕີ ກ່ຽວກັບການສ້າງໂຄງປະກອບລັດວິສາຫະກິດຄືນໃຫມ່ຢ່າງເຂັ້ມງວດ, ບັນລຸໝາກຜົນຕັ້ງຫນ້າ. ມີວິສາຫະກິດ 76 ແຫ່ງໄດ້ຮັບການສັບຊ້ອນສຳເລັດ, ໃນນັ້ນ ຫັນວິສາຫະກິດ 55 ແຫ່ງເປັນຫຸ້ນສ່ວນ.