ດຶງດູດຊາວຫວຽດນາມຢູ່ຕ່າງປະເທດກັບຄືນມາປະກອບສ່ວນສ້າງສາປະເທດຊາດ
ທ່ານ ຟຸ່ງຊວນຍ້າ ລັດຖະມົນຕີກະຊວງ
ສຶກສາທິການ ແລະ ບຳລຸງສ້າງຫວຽດນາມ
(ພາບ: moet.gov.vn)
(vovworld)- ຕອນບ່າຍ ວັນທີ 8/8, ຢູ່ຮ່າໂນ້ຍ, ທ່ານ ຟຸ່ງຊວນຍ້າ ລັດຖະມົນຕີກະຊວງສຶກສາທິການ ແລະ ບຳລຸງສ້າງຫວຽດນາມ ໄດ້ເຂົ້າຮ່ວມກອງປະຊຸມໂຕະມົນຜ່ານເຄືອຂ່າຍອິນເຕີເນັດ ກັບ ທ່ານ ສາດສະດາຈານ ໂງບ໋າວເຈົາ, ທ່ານ ສາດສະດາຈານ ເລກຄະນິດ ມະຫາວິທະຍາໄລ Chicago (ສະຫະລັດອາເມລິກາ), ຜູ້ອຳນວຍການສະຖາບັນຄົ້ນຄວ້າລະດັບສູງ ກ່ຽວກັບເລກຄະນິດ (ຫວຽດນາມ); ທ່ານ ປອ. ຫງວຽນແອງຕວນ, ບັນນາທິການໃຫຍ່ວາລະສານ ແລະ ເຄືອຂ່າຍການສຶກສາພົນລະເມືອງທົ່ວໂລກ ມະຫາວິທະຍາໄລ California Los Angeles ແລະ ທ່ານ ຮອງສາດສະດາຈ່ານ. ປອ. ຮວ່າງມິງເຊີນ, ຜູ້ອຳນວຍການ ມະຫາວິທະຍາໄລຊັບພະວິຊາຮ່າໂນ້ຍ. ເນື້ອໃນກ່ຽວຂ້ອງເຖິງຫົວຂໍ້: “ນະໂຍບາຍດຶງດູດຊາວຫວຽດນາມ ຢູ່ຕ່າງປະເທດ ກັບຄືມາປະກອບສ່ວນສ້າງສາປະເທດຊາດ”.
ທີ່ກອງປະຊຸມໂຕະມົນ, ບັນດາແຂກທີ່ຖຶກເຊີນ ໄດ້ວິເຄາະສາເຫດບັນດາສິ່ງຄົງຄ້າງ ໃນກົນໄກນະໂຍບາຍປັດຈຸບັນ ແລະ ປຶກສາຫາລື, ສະເໜີບັນດາບັນຫາທີ່ກ່ຽວຂ້ອງ ເຊັ່ນ: ກົນໄກເພື່ອດຶງດູດຜູ້ມີຄວາມເກັ່ງກາສາມາດ ເຂົ້າຮ່ວມການສ້າງສາ ແລະ ພັດທະນາປະເທດຊາດ. ທ່ານ ລັດຖະມົນຕີ ຟຸ່ງຊວນຢ້າ ເນັ້ນໜັກວ່າ: ເພື່ອປະຕິບັດແຜນນະໂຍບາຍດຶງດູດຜູ້ມີຄວາມເກັ່ງກາສາມາດໃຫ້ສຳເລັດ ສິ່ງສຳຄັນແມ່ນສ້າງສະພາບແວດລ້ອມ ໃນການເຮັດວຽກທີ່ດີໃຫ້ເຂົ້າເຈົ້າ. . ທ່ານ ລັດຖະມົນຕີ ຟຸ່ງຊວນຢ້າ ປາດຖະໜາວ່າ: ນັກຮຽນ, ນັກສຶກສາ, ທີ່ກຳລັງຮ່ຳຮຽນ ຢູ່ຕ່າງປະເທດ ພາຍຫຼັງຮຽນຈົບ ຈະຕັ້ງໜ້າປະກອບສ່ວນເຂົ້າໃນການສ້າງສາປະເທດຊາດ.