(VOVWORLD) - ໃນໄລຍະຜ່ານມາ, ອຳນາດການປົກຄອງທຸກຂັ້ນ ແລະ ໝູ່ຄະນະ, ອົງການຈັດຕັ້ງສັງຄົມ, ປະຊາຄົມຢູ່ນະຄອນ ໄດ້ເອົາໃຈໃສ່ເປັນພິເສດຕໍ່ວຽກງານປົກປ້ອງ, ເບິ່ງແຍງເດັກ.
 (ພິທີປຸກລະດົມ ເດືອນແຫ່ງການກະທຳເພື່ອເດັກ 2024) |
ຕອນເຊົ້າວັນທີ 07 ມິຖຸນາ, ຄະນະກຳມະການປະຊາຊົນນະຄອນ ດ່ານັ້ງ ໄດ້ຈັດພິທີປຸກລະດົມ ເດືອນແຫ່ງການກະທຳເພື່ອເດັກ 2024 ດ້ວຍຫົວຂໍ້ “ມີການກະທຳຢ່າງແທດຈິງ, ໃຫ້ບຸລິມະສິດແຫຼ່ງຊັບພະຍາກອນໃຫ້ແກ່ເດັກ”.
ກ່າວຄຳເຫັນທີ່ພິທີ, ທ່ານ ເລກວາງນາມ, ຮອງປະທານຄະນະກຳມະການປະຊາຊົນນະຄອນ ດ່ານັ້ງ ໃຫ້ຮູ້ວ່າ, ໃນໄລຍະຜ່ານມາ, ອຳນາດການປົກຄອງທຸກຂັ້ນ ແລະ ໝູ່ຄະນະ, ອົງການຈັດຕັ້ງສັງຄົມ, ປະຊາຄົມຢູ່ນະຄອນ ໄດ້ເອົາໃຈໃສ່ເປັນພິເສດຕໍ່ວຽກງານປົກປ້ອງ, ເບິ່ງແຍງເດັກ. ທ່ານຮຽກຮ້ອງໃຫ້ບັນດາຫົວໜ່ວຍ, ທ້ອງຖິ່ນເພີ່ມທະວີການໜູນຊ່ວຍເບິ່ງແຍງດູແລເດັກ. ບັນດາການເຄື່ອນໄຫວໃນ “ເດືອນແຫ່ງການກະທຳເພື່ອເດັກ” ໄດ້ຮັບການຜັນຂະຫຍາຍໃນໂອກາດນີ້ຢູ່ນະຄອນແມ່ນເພື່ອປັບປຸງເງື່ອນໄຂດຳລົງຊີວິດ, ສ້າງໂອກາດພັດທະນາຢ່າງຮອບດ້ານ, ສະເໝີພາບໃຫ້ເດັກນ້ອຍທຸກໆຄົນ.
“ນະຄອນ ດ່ານັ້ງ ໄດ້ປະກາດໃຊ້ຫຼາຍນະໂຍບາຍພິເສດສະເພາະສຳລັບເດັກນ້ອຍໃນຂົງເຂດໜູນຊ່ວຍສັງຄົມ; ສ້າງບັນດາແຫຼ່ງກຳລັງໃຫ້ແກ່ການລົງທຶນພື້ນຖານດ້ານວັດຖຸ, ກິດຈະກຳສະວັດດີການສັງຄົມ, ສະໜອງການບໍລິການສັງຄົມໃຫ້ແກ່ເດັກ. ເນື່ອງໃນໂອກາດນີ້, ນະຄອນ ດ່ານັ້ງ ຮຽກຮ້ອງໃຫ້ບັນດາອົງການຈັດຕັ້ງ, ສ່ວນບຸກຄົນຢູ່ພາຍໃນ ແລະ ຕ່າງປະເທດ, ບັນດາວິສາຫະກິດ, ຜູ້ໃຈບຸນໃຈກຸສົນ ສືບຕໍ່ສະຫງວນຄວາມສົນໃຈປະຕິບັດການເຄື່ອນໄຫວສັງຄົມທີ່ມີຄວາມໝາຍໃຫ້ແກ່ເດັກປະສົບກັບຄວາມຫຍຸ້ງຍາກເປັນພິເສດໃຫ້ຫຼາຍກວ່າເກົ່າ”.