(vovworld) - ໃນເວລາ 9 ໂມງ 6 ນາທີ ຂອງວັນທີ 07/05, ລູກສອນໄຟ VEGA ໄດ້ນຳດາວທຽມ VNREDSat – 1 ຂອງຫວຽດນາມ ຂຶ້ນສູ່ວົງໂຄຈອນຢ່າງເປັນທາງການ. ເຫດການດັ່ງກາວໄດ້ຮັບການຖ່າຍຖອດສົດຈາກສະໜາມບິນອະວະກາດ Kouro (ປະເທດຝລັ່ງ) ດ້ວຍການເປັນສັກຂີພິຍານຂອງບັນດານັກວິທະຍາສາດ ແລະ ພິເສດແມ່ນຜູ້ນິຍົມວິທະຍາສາດອະວະກາດ. ທ່ານປະລິຍາເອກ ບຸຍຈ້ອງຕວຽນ, ຮອງຫົວໜ້າສະຖາບັນເຕັກໂນໂລຊີອະວະກາດ, ຫົວໜ້າຄະນະຄຸ້ມຄອງໂຄງການດາວທຽມຂະໜາດນ້ອຍ, ສະຖາບັນມະຫາບັນດິດວິທະຍາສາດເຕັກໂນໂລຊີຫວຽດນາມໃຫ້ຮູ້ວ່າ.
“ພາຍຫຼັງຜົນສຳເລັດຂອງການຍິງດຽວທຽມ 2 ໜ່ວຍກ່ອນນັ້ນ, ການຍິງດາວທຽມ VNREDSat – 1 ແມ່ນເຫດການທີ່ມີຄວາມໝາຍສຳຄັນພິເສດສຳລັບຫວຽດນາມ, ປະກອບສ່ວນປະຕິບັດຍຸດທະສາດຄົ້ນຄວ້າ ແລະ ນຳໃຊ້ເຕັກໂນໂລຊີອະວະກາດຮອດປີ 2020 ໂດຍລັດຖະບານອະນຸມັດຜ່ານ. ຄວາມໝາຍຂອງມັນກໍສະແດງໃນຊື່ຂອງດາວທຽມທີ່ວ່າ ຕິດຕາມຊັບພະຍາກອນທຳມະຊາດ, ສິ່ງແວດລ້ອມ, ໄພທຳມະຊາດ. ບັນດາຮູບຖ່າຍຈາກດາວທຽມຈະໄດ້ຮັບໃຊ້ບັນດາຈຸດໝາຍດັ່ງດ່າວເປັນຕົ້ນຕໍ່”.
ພາຍຫຼັງຖືກຍິງເຂົ້າສູ່ວົງໂຄຈອນ, ດາວທຽມ VNREDSat – 1 ຈະຊ່ວຍຫວຽດນາມ ເປັນເຈົ້າການສະໜອງຮູບຖ່າຍທີ່ມີຄຸນນະພາບສູງໃຫ້ແກ່ບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆໃນທົ່ວປະເທດທີ່ມີຄວາມຕ້ອງການນຳໃຊ້ຮູບຖ່າຍຈາກດາວທຽມເພື່ອຮັບໃຊ້ການພັດທະນາເສດຖະກິດ, ສັງຄົມ. ພິເສດ, ດາວທຽມຈະປະກອບສ່ວນຕີລາຄາ ແລະ ຮັບມືກັບໄຟໄໝ້ປາ, ພະຍຸນ້ຳຖ້ວມ ແລະ ບັນດາໄພທຳມະຊາດອື່ນໆ.
ຕາມຂ່າວຫຼ້າສຸດ, ປະຈຸບັນ ດາວທຽງ VNREDSat – 1 ໄດ້ເຂົ້າວົງໂຄຈອນຢ່າງເປັນປົກກະຕິ ແລະ ສຳເລັດບັນດາວຽກງານສຸດທ້າຍເພື່ອເລີ່ມຕົ້ນການຂຸດຄົ້ນ. ບັນດາຮູບຖ່າຍຜືນແຜ່ນດິນ ຫວຽດນາມ ອາດຈະປະກາດໃນວັນທີ 10/5 ຈະມາເຖິງ. ສາດສະດາຈານ ເຈົາວັນມິງ, ປະທານມະຫາບັນດິບວິທະຍາສາດ ແລະ ເຕັກໂນໂລຢີ ຫວຽດນາມ ໃຫ້ຮູ້ວ່າ:
“ນີ້ແມ່ນເຫດການທີ່ມີຄວາມໝາຍສຳຄັນ, ດ້ວຍດາວທຽມດັ່ງກ່າວພວກເຮົາຈະເປັນເຈົ້າພາບໃນການຖ່າຍຮູບດາວທຽມເພື່ອຮັບໃຊ້ໃຫ້ແກ່ການຄົ້ນຄ້ວາພັດທະນາເສດຖະກິດ, ສັງຄົມ. ຮອດເວລາ 14 ໂມງ 30 ນາທີ ມື້ນີ້, ພວກເຮົາໄດ້ຮັບສັນຍານທຳອິດ. ໃນ 2 ມື້ຈະມາເຖິງ, ພວກເຮົາຈະໄດ້ຮັບບັນດາຮູບຖ່າຍທຳອິດກ່ຽວກັບໜ່ວນໂລກ.”